I miei Video clips furlans

Loading...

30 ott 2007

Tifâ o Preâ ?

O vin duç bisugne di crodi in alc o in cualchidun e il minimo ch'al si puès fâ al é di crodi in sé.

In ce crodêso vualtris?
O cognós un brâf cjargniel ch'al crôt a chê madone ch'a vài, aventivie a Mandjugorie, e al và alà a preâ come nô o nin a viodi l'udinês zujâ.
Che le sô madone a vaiedi o no, ce ch'al mi dà fastidi, al é che lui al torne simpri seren e plen di voe d'invidâmi a bevi un tai invesit jó, o torni simpri cun le voe di sfogâmi cun la Juventus par no vaî sù l'Udin e gleti il gno tài par traviers.

Un di chescj dîs, o lu invidarai jó a bevi un tai. Baste ch'al vinci l'udinês. Po magari o i promet che se l'Udinês al vinç ancjemó, o larai cun lui da sô madone senó al scuen prometimi di vignî cun mé e le fie di mê madone a viodi le partide.

Daspó, se intant che jó o sbergheli e che lui al pree il goâl nol rive, al scuignarà dî un miserere semai o trai cualchi porco parcé l'arbitro a nol colabore cun nô:-) Ma intant, ch'al torne di aventilà cun le madonute puarte-furtune-fosforescent ch'al mi a prometût , o i ai zà preparât alc di dâi in cambio: Un Udinâs.


Come che lui al puarte i ocjâi, di vê un nâs di ricambio a i puès simpri siervî.
Intant ch'al sgrane il rosari, jó mi sclarís la vôs e, zence pôre di stonâ, so fracàis sul fuarce Udin achi sot o varessis di sintî ce ch'al é vignût fûr.
Fuarce Udin! <<< style="font-size:78%;">I'm out of the blog for one week.
Je prends congé une semaine.
Saró assente una settimana.
Istem nie tutai w ciągu tygodnia.
Soi fuera una semana.

3 commenti:

Rainwoman ha detto...

Ce diti? Mi plâs une vore come che tu scrivis... Oramai ti ten di voli =)

furlan ha detto...

Jo o crôt che al sedi un ben che cumò nol è, che ancjemò nol è, ma che al è pussibil, e che jo no cognos dal dut ma che mi sburte. No soi sigûr dal so non.

adrenalid ha detto...

eh eh une setemane cence lei las tos robes?!?! mi copi!!!
ih ih
a riviodisi!