I miei Video clips furlans

Loading...

18 nov 2007

I vôi dai furlans


Da brâfs furlans o vin plui elegance in tal ridi di nô stès che forsit duç chei âltris talians ma ancje chê di criticâ a zero dut chel ch'al nus passe enfre i vôi e lis vorêlis e spès, juste par dî ce ch'o no vin il coragjo di fâ come chei âltris par vie de nestre culture e des nestris tradizions.
Forsit parcé che zà da piçui, mostrâ sensibilitât al é come mostrâ un andicap e che tignî par un ch'a nol é de stesse famee a nol sta ben.
Forsit parcé che o vin chiste manie di ridi e deridi dut ce ch'al é serio ch'o savin esi serios dome cuant ch'o vin di fâ sù le cjase. E ancjemó...Al bisugne prime ch'al rivi un taremot!
Par finî, o acetín miôr chel ch'al ven dal forest che chel ch'al ven di chê altre bande de strade.
Al é duncje plui normâl ch'al sedi un napoletan ch'al fasedi musiche e no un furlan o un forest ch'al rivi a fâ alc cun nuje invesit di fâ nuje cun dut chel ch'a si à da fâ.
Enfre duç i furlans plui cognossûts, al é di spès rivât che le fuarce che an vût par fâ ce che an fat a le vedin ricevude stant di fûr dal Friûl.
Ch'al sedi un incentîf?
Ch'a sedi une formule magjiche o un algoritmo?
S'al fos veramenti cussí, alore vie. Duç a Napoli so vês chê di fâ il cjantânt o duç a Milan so vês chê di meti sù une imprêse o duç in mone so vês chê di stâ aí parcé che oramai cui susidis, le casse integrazion, e le cjase dal nôno ch'a sarà libare forsit la gnot ch'a ven a si sta ben distès.
L'inglês Patrick Heady par fâ il so dotorât, al é vegnût in Friûl a studiâ il furlan e le Cjargne par fâ il libri cul titul: Un popolo duro. e , al nus dîs par Marino Plazzotta tal so resocont, che ce ch'al nus caraterize di plui aé le le invidie ch'a nus sburte a esi gjelôs l'un di chel âltri e a distrugi l'ort dal vissin plui che invesit cirî di fâ miôr che lui.
A si dîs che chei che an i vôi verts a son o i plui apasionâts o i plui gjelôs. Cemût vêso i vuestris vôi?

- O, beware, my lord, of jealousy;It is the green-eyed monster which doth mock the meat it feeds on.
- O, stait lontan de gjelosie, scior, al é il mostro cui vôi verts
ch'al somee disgustât da cé ch'al si nudrís.
Shakespeare (Otello)

9 commenti:

elio ha detto...

Un biel pensir, ma lu cambiares cussi:

> no vin il coragjo di fâ come chei âltris par vie de nestre culture e des nestris tradizions. Forsit parcé che zà da piçui, mostrâ sensibilitât al é come mostrâ un andicap e che tignî par un CH'AL E' de stesse famee a nol sta ben.

Gracie e disgracie dal jesi furlans.
Mandi

Jaio ha detto...

O no ai nuje da zontâ. Le tô, aé pussibil come le mê. Se cheste aé une gracie e une disgracie o vin rason duç e doi.

CresceNet ha detto...
Questo commento è stato eliminato da un amministratore del blog.
furlan ha detto...

Il dotôr mi à dite che par vuarì, un furlan sensibil come me al à di deventâ om di mont. Cemût, cui, jo?
“Sigûr, -mi à dite chel macaron di un dotôr-, se tu vuelis vuarì tu âs di pensâ di jessi ator pal mont, come i tiei vons che àn savût cjatâsi ben e miscliçâsi e cjatâ il miôr dai altris popui, cence siarasi, vierzintsi al difarent.” Viodêt ce robis! Cemût jo miscliçat cuntune magrebine e magari musulmane? Pitost vedran incantesemât, me lu tai e lu met sot vueli, che al conven!

ILfurlanist ha detto...

O concuardi cun Elio ma us invidi a fâ une riflession: il probleme al è apont "mostrâ". Se invesit ti covente un jutori pratic tu sês sigûr che il to familiâr al sarà lì. A son popui che mostrin, a son popui che no si piardin tal mostrâ. A mi mi plasin plui i segnonts, ma al sarà che o soi usât cussì.


Par jaji: o vuei fâti une critiche par sburtâti a fâ miôr: al tipo tu i âs metût il link, ai tiei puars amîs furlans no:

miôr courte, dissal Aldo Rossi,

Digjitait furlan dissal Dree sul Furlanist.

so no fos bielzà plui dal Romanin:-)


E je netiquette, tu judis la leture pai letôrs che magari no san di cui che tu fevelis (miôr curte? Aldo Rossi? Dree? Romanin? cui sono?), e tu aumentis il "zîr" in rêt di robe furlane.
Mandi

Jaio ha detto...

Orpo, o scuegnarai proviodi. A é vere che cualchi vôlte o mi fermi al semaforo cuant ch'al é vert e o passi cuant ch'al é ros. O scuegnarai stâ atent a no meti i leams ch'a mi plasin prime di vê mitût chei ch'o no ai di dismenteâ:-)
Psst: Tu a tu lu vevis dôs vôltis e no lu vevi nancje vidût:-)

Jaio ha detto...

O disevi che a pene in linie o mi sint tal colimatôr. Un brasilian al ere vignût a fâ il so spam di cjase enfre lis vuestris furlanadis...Sa lis ves fatis par furlan lu varès forsit lassât ma lu ai tirât vie.

Furlan:No sta a taiâ nuje: Salam melek:-)

ILfurlanist ha detto...

Prossimps pas, iscrizion a Shinystat e Blogbabel ;-)

Jaio ha detto...

...No sai, no ai masse puest par meti dentri dut. Lassin un tic di aiar enfre lis peraulis:-)