I miei Video clips furlans

Loading...

19 nov 2007

In bandiera veritas


Dimi le bandiêre ch'a tu âs e cji disarai cui ch'a tu sês
Vêso mai fat câs as bandiêris che ogni popul al si é scielzût?
Di sigûr, cuant che une bandiêre aé stade scielzude, nissun al pensave ae armonie dai colôrs ni al efiet dai colôrs sù le psicologjie de int.
Un fat scontât al é che o vin duç le bandiêre ch'o si meritín.
Le taliane, di une bande aé le plui armoniôse ch'a sedi parcé che il vert al é il contrari dal rós e che enfre chesç doi colôrs cussí contraris e cussí complementârs o vin il blanc ch'alè il colôr indulà che dut al é pussibil. Come le pagjine blancje d'un scritôr o le tele di un pitôr che s'al cjapàs dome il ros al puedarès fâ une rivoluzion, une carneficine, une bandière par fâ inervosî le vicine e s'al fos dome in vert il pitôr al puedarès colâ indurmidît ancje dopo la siesta e no finî mai di pensâ, di rifleti, di meditâ e forsit di ruminâ ma i trê colôrs insiemit a son biei da viodi.
A si esaltin l'un cun l'âltri ma ancje a si cjapin pal cûl, e un al puès ancje dî che chesç colôrs a son masse vîfs, masse sfavilants e cheste esagerazion a no fâs serio.
Infat, o no sin cjapâts sul serio che cuant ch'o svintulin le bandiêre blù tai campionâts dal mont.
Ma sono chistis manifestazions veramenti seriis?
So cjalin i colôrs i plui doprâts di ogni popul o si indacuargín ch'a son simpri i colôrs de lôr bandiêre i plui doprâz. Ikea cul blu e zâl de bandiêre svedês al é il plui tipic ma lis stelis de bandiêre americane e lis strichis di chê inglêse lis vin bielzà vidudis par fâ ogni mascedot.
E le Furlane? Ah ben, chê po. Jo no sai di indulà ch'a ven fûr ma o cjati che il blù ch'al domine al é masse studât, come s'al fos timit e ch'al ves pôre di mostrâsi. Come chel da l'Europe.
Cjale il blù de Olande o de France, mo. Chei a son blùs plui sfaciâts e fiêrs.
Le aquile in tal mieç a compense chiste plae ma aé zâle come le polente. e sotolineade di nêri come in tun fumet cusicché cul blu al fâs pensâ a es armoniis africanis.
Provait a meti une fete di polente in tun plat blù...Di sigûr o no mangjarês le luanie...
E il nêri? Vêso bielzà vidût chês bandiêris cul nêri dentri? No fasial serio? Il nêri al é fat par lavorâ, par no fâ scherzos di nissun colôr. Li' a si dinée ogni colôr. Arbeit a le todescje e vonde. Mortâl!
Ben, no,. Tal gno blog, cun le lûs dai scherms i colôrs sul nêri a deventin fucs artificiâi, lanterníns di alcove, smicjadis di gjat e lis mês monadis e samein slogans publicitaris, neons a la Piccadilly indulà che dut al é pussibil come in tal blanc.
Come a un pessimist a no i van i otimisçs, un omp nervôs a i fasarà ben di stâ tal vert e un indurmidît, par sveâsi fûr al varà bisugne di ros o di zâl ma lait a viodi achi ce ch'a disin sui colôrs.
Vêso bielzà vidût cemût che tai ristorants i colôrs a son simpri sul arançon? I colôrs a base di ros a stimulin l'apetitît. Tes cjamaris o podês meti il colôr ch'o volês, tant so studais le lûs o sarês simrpi tal nêri.Ma se le vuestre cjamare aé un garçonnière, metteit le in rós. Di velût e di sede. O viodarês ce viagra ve! Ma no stait a studâ le lûs sa no covente.
Infin, cuâl îsal il colôr ch'al mi plâs di plui?
Cemût savê? Il timp di fâmi le domande o ai bielzà gambiât di idee. Al é forsit par chel ch'o cambiarès di bandiere come di cjamêse:-)

5 commenti:

segretaria ha detto...
Questo commento è stato eliminato dall'autore.
ILfurlanist ha detto...

La bandiere furlane e derive di un toc dal matel dal Patriarcje Bertrant conservât - se no fali - tal Domo di Udin. Vele
http://photos1.blogger.com/blogger/4788/2690/1600/mantello.jpg

La acuile e sarès d'aur, il blu al è un tic sul viola e tu âs smenteât tal to post il ros des çatis (plui viars il magenta). Il neri nol c'entre cuissà ce, par solit nol varès di jessi propit. I colôrs origjinâi mi parin plui biel de semplificazion zale e blu fate te bandiere "moderne", ce ditu?

Jaio ha detto...

Ma, Dree, al mi somee come se une dí, cualchidun ch'al veve bisugne di une bandiere e al é lât a cirî ce ch'al podeve cjatâ. Il stîl medievâl al nus propulse forsit in tal unic moment de storie indulà che le nestre identitât aé stade plui visibil. Dopo d'in chê vôlte se le rapacitât di acuilots a ere ce ch'al nus caraterizave o le vin dismenteade di cualchi bande par deventâ piôris belant di fan o di pôre magari mostrant i cuars di stambèc a di chei ch'a vegnivin masse dongje:-)
Insome, so vin di stâ cun jê, o varessin di rivistîle. Jo o tirarès vie il ros ch'al fâs pensâ as tracis di sanc di une prede a pene sbranade. L'acuile a puès sei simbul di bon guardian dal nestri paîs, dai nestris valôrs e tradizions, ma no di un predatôr parcé ch'o sin simpri stâts predâts.
Daspó, il ros, cul zâl e il blu al é di masse. A si varès di cjapâ il timp par cjatâ a chiste bandiêre un VISTÎT DI FIESTE. Alc ch'a nol somêi a une caricature sentimentâl ma ch'al identifichi il nestri spirit cun sobrietât. Alc da podê tirâ fûr cun plui fierece e zence complès. Ansit, da podê aplicâ a dutis lis ocasions.(Fâ maùtis, fâ articui di ogni zenar come ch'a fasin a Londre cun chê inglês o a Walt Disney cun Topolino. Come s'al fós il logo di une imprêse. Le nestre bandiêre e a forsit 1000 ains ma no a nancje l'impat dal logo de Coca Cola e o continuín a scrivi Friûl in letaris gotichis.
Il spirit di squâdre, sa no lu vin, al bisugne creâlu.

ILfurlanist ha detto...

mi somee come se une dí, cualchidun ch'al veve bisugne di une bandiere e al é lât a cirî ce ch'al podeve cjatâ plui o mancul e je lade cussì, ma la fonde storiche e je biele e fuarte.
Dutcâs il «vê bisugne» e je la storie di tantis bandieris. Come par esempli chê taliane che tant tu preseis: copiade adiriture di chê francese gambiant un colôr!!!
Ma tu sês stât un brâf, tipic furlan: scualificâ, spreseâ e cjapâ pal cûl la tô, glorificâ chê dal Stât che ti domine.
Un tic piorute insome, jo la çate rosse m'e ten ;-)

ma no a nancje l'impat dal logo de Coca Cola «nancje» il logo Coca: caz... no tu âs det nuie! :-)

Jaio ha detto...

Al é biel di viodi cemût che cualchi peraule butade jù pal plasê di fâle sunâ e torni indaûr come un eco. In font, i colôrs a cji dan un umôr e il to umôr a tu lu dâs ai colôrs. Impussibil di cirî le stabilitât parce che chestis impressions a van e a vegnin.
Lis mês elucubrazions sui colôrs a son personâls. Come ch'o disevi: Prime ch'a finissi le domande o varai bielzà cambiât di gust par dâ une rispueste.

Le quistion a sarès : Vino di cambiâ le bandiere par cambie di mentalitât o cambiâ mentalitât par cambiâ le bandière ? In ogni câs, il risultât al sarà compagnj: O varin le bandiêre ch'o si meretín.