I miei Video clips furlans

Loading...

24 nov 2007

L'Americhe in bufulis


Cualchidun al mi a domandât cemût ch'o eri rivât a specializâmi in te creazion di manichins.
Ben, par câs. Par rabie. par voe di vê le rivincite. Ben spès, a si si contente di ce ch'a si à e a si cîr di no pierdilu. Cussí a si reste simpri tal stès puèst. Al mi é volût un paron ch'al mi cjoli pal cûl par ch'o mi disi che il so valôr a nol ère plui grant dal gno e ch'al mi dedi le voe di fâ miôr di lui.
O cjatarês achi le storie.
O ai vût ancje furtune par cjapâ ordins impuartants scuâsi subite ma ce îse le furtune?
Al é cjatâsi pronts a fermâle cuant ch'a passe dongje di te. Daspó, se invesit di stâ in tun troi a tu cji mètis a un semaforo a tu aumentis lis posibilitâts ma se ce ch'a tu fâs a nol impuarte a di nissun , par te il semaforo al sarà simpri rós. Insome, lis circostancis a mi an fovorizât a partî dal moment ch'o soi partît de glerie de Pesarine par lâ a stâ dongje le glerie dal Cormôr a Udin.
Daspó, a partî dal moment ch'o soi partît da Udin e po, vie-vie da une vile a chê âltre o ai cjatât un puèst dulà fermâmi.
- Và in Americhe e no sta spietâ ch'a cji insegnin il mistîr, che il mistîr a si a di robâlu, a mi veve dite me agne Lene.
Ma non d'ere nuje da robâ ch'a nol fos zà robât e il gno mistîr a nol esisteve e alore lui ai inventât. Cumó, se un merecan m'invide a lâ in Americhe o rit. Le mê Americhe e a é achi e a mi baste.
A puedarès sei dapardut. Baste inventâle.

3 commenti:

il crot ha detto...

In fin dai conts il prin che al è rivât in Americhe al cirive une altre robe. Forsit par cjatâ la Americhe no tu âs di cirile o se no tu âs di cirile intun altri puest...

elio ha detto...

Ben bulo. Io i ai un tic di "comples" viers chei che an vut il coragjo di laa a vivi ator pal mont, un pel di invidie pe varietat des lor esperiencis. Il fat al è che chi la chi soi mi è simpri semeaat mase biel (in tun cert sens: biel ancje quant cal è brut, come cal diseve un gno amic).

Mandi

Jaio ha detto...

Elio, viôt ch'al é normâl di abituâsi al brut e di cjatâlu biel.Al é zà sucedût che un colp di pinel, un colôr ch'al stone, un note dal cazzo,o une peraule mal mitude a sedin osannâts juste parcé che l'artist al si ere talmenti abituât che cambiâ al sarès stât come cambiâ dut.O ai vidût ch'a nol é tant un vile fate sù dal Palladio fondade sù lis sôs regulis ch'al crodeve indispensabils pe armonie de architeture. Vidûde dal di front, le vile, cun le sô classicitât e somee come sa nol si puedarès fâ miôr. Vidude di sghembo sù le diestre, a si viôt un balcon ch'al somee taiât tal mieç pal mûr de ale diestre e ch'al somee come sa no si puedarès fâ piês:-)