I miei Video clips furlans

Loading...

22 nov 2007

Shakespeare al ere un furlan


Shakespeare (Jacum Spera) al ère furlan. Senó cemût fasevial a savê tantis rôbis sù Verone? Po ben, o ai cjatât le version origjinâl furlane dal Amlet di Shakespeare. Il furlan al somee un tic al vecjo furlan o forsit il scritôr al vignive di Cjasarse come che dopo al é vignût ancje Pasolin...
Il libri par furlan al si puès discjariâ par 11€75 vie internet a partî da un sito, no in Friûl (O lu varessis scometût, nomo?:-) ma in tun sito american.
Merit di chest al ven a Ermes (No, no chel di Colorêt) Culos ch'al sta in Canada.
A mi all mi a simpri fat ridi di viodi che cun duç i bêz spindûts a promovi le marilenghe tal paîs, lis rôbis plui interesantis a son simpri prodotis dai privâts. Sa voltassin il Kamasutra, il libri ros di Mao, chel nêri di Hitler o chel vert di Bossi, o disarès ben che lis istituzions e an rason di restâ a distance ma l'Ermes Culos, al a bielzà tradot le divine comedie e enfre chei âltris lavôrs ancje il Vanzeli di san Mateo (Rôbis di fâ tornâ sù le tiere Toni Beline:-)
Cumó o savin che par vê il so libri al bisugne scrivilu in tune âltre lenghe e po mandâlu in Canada a Ermes Culos ch'al si ocupe di voltâlu in dutis lis lenghis ch'al cognós in plui dal furlan. e a metilu in vendite sù lulu.com. A cuant, le Patrie rivoltade in Canada?
O vevi viodût chest http://www.h-net.org/announce/show.cgi?ID=152345
Daspó o ai cjatât chest http://www.lulu.com/eculos
Po o ai ricevût chest da filologjiche
Miercus ai 28 di Novembar dal 2007 aes vot e mieze sore sere
inte Sale dal Consei in vie Alpe Adria a Sant Pieri
Il dot. Paolo Pastres al presentarà il volum
Segni devozionali nelle Valli del Natisone
di Oddo Lesizza
No larai. O spietarai le traduzion dal libri par Ermes Culos.

3 commenti:

Furlans de diaspore ha detto...

Interesant al lavor di Ermes... no savevi propite cal veve un sit...

Jaio ha detto...

Atu viodût ce biele barbute di sapient? :-)
Dutcâs, al fâs onor ae nestre patrie.

Anonimo ha detto...

Un aggiornamento:

http://h-net.msu.edu/cgi-bin/logbrowse.pl?trx=vx&list=H-Italy&month=1010&week=e&msg=/3K4K9WkhlkbwuYzRzidKA&user=&pw=

Mandi!
Ermes