I miei Video clips furlans

Loading...

30 nov 2007

Publicitât

Tal atelier, o ai plen di cjantons curiôs e sugjestîfs che visualmenti a interessin
i fotografos di ogni zenar. Tant al é vêr ch'o scuen lassâ spès dut in disordin par no ruvinâ il valôr estetic.
Cualchi vôlte il gno lavôr al s'interomp par lassâ il puest al regjist, ai atôrs e i tecnics di
un film. L'ûltin, girât chiste estât, al è zà saltât fûr in France e in Belgjo sot dal titul Control X.
Vé achi il provin.
Si trate de storie di Seb, un zovin (Bruno Borsu) ch'al lavore in tun laboratori di manichins, po al scuvierç di esi un frut adotât e al si met tal cjâf di savê il parcé che so mâri e so pâri vêrs lu an abandonât.
Al sarès insome une storie tirade di chei films dai ains 50 indulà che un James Dean
al fasève l'inadatât e il ribel par vie di no si sà cê infanzie mâl vivude.
Doi dai atôrs principâi a son di parints talians e ju ai mitûts achi in te foto.
O ai ancje fat dôs pagjinis cun le musiche dal film ch'o vevi fat jo prime che un dai doi regjists al cambi di titul, di idee tal scenario e di compositôr de musiche. Prime al s'intitulave Gang Terminus....
Ch'al sedi par chel che il film a nol a succès ? No sai stâ zence ironizâ:-)

6 commenti:

Furlans de diaspore ha detto...

O ai cjalât chei tocs dal film che an mitût sul sît, o speri che lu esportedin in Americhe...
Mi plasin i films indipendents.

Jaio ha detto...

No crôt ch'al rivarà fint in Americhe. A Berlin atualmenti e an un festival dal film indipendent. Là e cjapin duç i films ch'a son stâts rifiutâts tar chei âltris festivals e ce disino? A disin che dutis lis plui bielis ideis, lis plui bielis storiis, i plui origjinâls a son di spès mitûts de bande pai distributôrs ch'a no crodin tal lôr valôr comerciâl. Il valôr comerciâl...Une rôbe very american:-)

Furlans de diaspore ha detto...

Sigur, ma ten amens che in Americhe o vin al "Sundance Film Festival". Tancj films co ai viodut su Netflix (un blockbuster vie internet e che nolegin DVD vie pueste ) no son mai passas pal cine convenzionai o pe distribuzion tradizional.... epur e son plasus a tante int e an fat ancje un franc.

Jaio ha detto...

So m'impensi,Martin Scorsese al veve scomençât cussí ancje lui...Infat, cun dut chel ch'al sucêt in Americhe plui de metât a no rive fint achi.
Ancje chi a si nolegje vie internet e come che il paîs al é piçul al cji rive in cjase tal doman. Mi plasin un grum i vecjos films merecans dai agns 40. Cuant ch'o viôt ce ch'a si faseve achi in chei agns, al é da ridi.
Mandi

Anonimo ha detto...

molto intiresno, grazie

Anonimo ha detto...

La ringrazio per intiresnuyu iformatsiyu