I miei Video clips furlans

Loading...

4 dic 2007

Cidulis Russis


Le gnot des cidulis, parsôre Prât, lis cidulis tarondis o cuadradis che ogni zovin al si ere preparât a erin prontis a lâ tal fuc prime di sei fatis svualâ e rundulâ ruvints jù pes ribis come fucs artificiâi. Ogni cidule, ch'al sêti in ben o in mâl, a ere dedeade a cualchidun cun ironie o bon umôr tant al é vêr che il dí dopo, cualchi vôlte, cualchidun al tirave il mussic cun cualchidunâltri o i puems a finivin par vê l'apontament cun tune pueme o il plevan al bailave a disdî in te predicje ce che i cidulârs a vevin dite o no dite.
Le Russie, a somee plui ae Furlanie profonde che a vecje Cjargne ma ancje là e an alc di simil, a son i Cjastuçki (Da no confondi cui CDs americans:-) .
Piçui cjants sun tune vecje melodie folcloristiche che, ator di un fuc o ator de fisarmoniche, ogni musíc (Paesan rùs) al improvîse par disi cun estro e rimis, ce ch'a i ven sù tant ch'al spiete il so turno. Altri esempli talian in tal film di Pasolini Mamma Roma (2) Achi.
Ancjemó vuê, cuant ch'al rive, a si va a invidâ i plui spiritôs e ancje i plui vecjos che an tignût a ment dutis lis plui bielis strofis dai ains prime e che a garantissin un lâ e tornâ zence interuzion enfre lis gnovis strofis preparadis dai zovins o chê a pene sfornade par replicâ a chê di prime.
Une dí un biele mule cun tun grop siberian ch'al passave ae TV il dí de fieste dai cosmonautas
(La lôr sâgre dal Purcit in stajare) a veve improvisât alc fasint il gîr dal cercli, balant e disint che par chel dí, jê a si varès dade al prin cosmonaute ch'al rivave. Le rispueste aé restade tai anâi dai cjastuçkis parcé che duç i omps e an rispuindût in coro e in rimis che se jê a no cambiave d'idee, lôr a erin duç cosmonautas:-)
Par fuarce che i fruts, a son mandâts tal jet, ma lôr a no van par nuje e a son simpri platâts di cualchi bande a ridi fra di lôr ancje cuant ch'a no capissin le ironie dai granç.
Segno ch'a si puès lâ sù le lune ancje sa si reste tacâts ae nestre tiare.

1 commento:

Mario ha detto...

O ti robin cheste imagjine par Contecurte

mandi!