I miei Video clips furlans

Loading...

7 dic 2007

Da bevi e da mangjâ

Il furlan dai cjargniei al é simpi stât plui musicâl che il furlan. Lu ai fat sintî a cualchi forèst ch'a nol capiva nuja. Si, mi an det, las âs a sunin miôr che las ês o las îs. Alora o ai fat sintî las ôs di Ludario e aventi sù e lôr mi an fat sintî las lôr.

-C'est marrant, al mi a det il parigjn.
-How funny, al mi a det il londinês.
-Zo to iest? al mi a domandât il polac.
-Y la agua, como se dice? al mi a domandât il spagnûl.
- Frescjo. Hombre. Buino e frescjo.
- Y la cerveza?
- Eh Moretti po. O nin a bevila subit...
Po ben al mi a capît, eh!
Si, enfra duc i forèsç, cuissà par ce câs, o sameín plui ai spagnûi che a duç chei âtis, Goldoni invesit al diseve che 'l furlan al somee al francês.
Che sêtin las âs, o las ôs, las îs o las ês, o vin las ûs plui viertas dai francês che quant ch'a disin cûl a lu strîcin subit e quant ch'a disin couilles a samein ch'a disin cui êsal tant che nô o si domandin: Cui cê?
Mah, al si dîs che i inglês, cirint di fâ las ûs come i francês si sedin metûts a fâ las jûs. Il biel al é che cumó, chês jûs, a son deventadas tant di moda che ducj a si metin a scimiotâ i inglês.
E cussí, non d'é plui ne stàjaris ne stàjares, ne stàjaras né stàjaros ma domo rock and roll.
Scûso, cusín cjarglel: Rock and rùal!
Eco, cumó o podín lâ a bevi un tài e si metín d'acuardi: Moretti? Po ben, cumó ch'a si cjata encja in te Americhe profone de Virgjinia: Moretti si, salute!
-Santé, -cheers, -salud, -prosit, -nasdrovie, a la tô, a la vuestra, a la lôr e la nestra e encja a la mê. Si la mê, encja se achí o bêf di besôl las peraulas a câs ch'a mi vegni four as sîs di buinora quànt che il dí al varès di cricâ ma invesit a son dome i mei dêts che crichin un cun l'âti intant che il cjâf al cîr di finîla cun chesta storia nassuda leínt il dizionari furlan ch’o cjatarês achi :
Bé, sperin di fâ vignî la voja a di cualchi d'un âti!

5 commenti:

ILfurlanist ha detto...

A Divilin e Vile a fevelin cu la "e". O no sono cjargnei? :-)

Jaio ha detto...

Psst, so met dome virgulis e ponts e virgulis, cun dutis lis difarencis enfre chei di ca e chei di là, l'articul a nol sà plui di nuje.
Lassimi fâ zence meti masse regulis. Sa tu sês di Vile o Invilin, o fasarai une storiute dome par te:-)

ILfurlanist ha detto...

Se par fâ un articul cun savôr tu scuens dî inesatecis, mi pâr che al sarès miôr cirî altris savôrs.
Lis "regulis" no c'entrin.

Un che al è metât di Divilin (al lâ indevant cussì si rivarâ a disi Ovâr, ma la mê precisazion no volarès costinzi la tô creativitât a clamâ il gno paîs cul non just)

ILfurlanist ha detto...

Ohu, astu ruvinadis lis ongulis sul spieli che no tu rispuindis plui?

Jaio ha detto...

Ups, scûse il ritart ma no sai cê dicji.Miôr tasê che cjacarâ par disi nuje:-)Cirinsi un sogjet plui interessant, hm? Po al mi va miôr di cjacarâ dal mêl che dal torsul:-)
Mandi