I miei Video clips furlans

Loading...

2 dic 2007

Il premi Friûl di consolazion




L'an passât a mi a clamât un dai Arbe garbe ch'al ere in te zurie .Ma forsit al ere dome un mail. O no sai plui. Cun duç i spams ch'o ricêf o no sai plui ce ch'al é da butâ ce ch'al é da tignî. Insome Jo, o eri zà pront a crodi che il gno Rock al ere stât selezionât pal premi Friûl, ma invesit al ere par dîmi ch'o vevi mandât vie un CD vueit... Gulp! ...Ma ch'a vevin distès passât il gno toc sù Onde Furlane... Uf! ... Parcé ch'a lu vevin cjatât sù internet.... Po ben simpri alc di guadagnât. Cui puedial vantâsi di passâ a la radio cun tun CD vueit, eh? Daitmi un tai, hic!
Chest an, o ai sintût che i Arbe Garbe a erin in Australie e alore o ai mandât vie cidin cidin un CD plen plen di fantasie lassant vueite le mê pagjine web par scaramanzie...o par diplomazie... o par fâ une rime...No sai plui:-)
Duncje, o varès vût di guadagnâ.

Ma no. A no si puès guadagnâ simpri, nomo? O crôt che se une dí o soi selezionât, le prime rôbe ch'o disarai al é come Aldo Rossi: E miarde, cumó o scuen meti sù une band par puartâ indevant il gno toc al palamostro:-)...Amancul cussí o crôt.

Ma in veretât, ancje chest an, so spietais ch'o passi sù Onde Furlane o riscjais di spietâ un grum parce ch'o ai fat dut par esi censurât. Il gno rock, sa nol cjacarave di frice al cjacarave masse di cûl e di tetis e tes radios chest al é tabù.
Ups, ma achi si puedial? O varès podût fâle in francês e cussí mi passavin cun George Brassens, il cjantant baron. Muart di crepe cûl. Po dopo le varès voltade par talian e a mi varessin passât cun Gjiorgjo Gaber, tradutôr dal baron. Muart di crepe alc.

Invesit al bisugnave fâle diretamenti par furlan e le ai voltade di besôl, cussí, come che i casins a son scierâts e ch'o soi un crepe nuje a nol mi reste plui ch'a metile sù internet prime di voltâle par francês e par talian e rivâ a passâ a la radio. Al sarà ben amancul cualchidun ch'al larà a scoltâle, no? O i doi 20 ains, no di plui:-)
Jenfre i fans de madone e chei di pre Toni Beline , Jó e Tony Merlot o vin ancjemó une chance di plasê a cualchi disperât:-)
Insome, fasinle finide: Cui aial vincût? Sintît mo, se duç i vincidôrs a finissin par crepâ e che jó o no puès pierdi s'o fâs dut par no vinci, alore i vincidôrs a no san ce ch'a pierdin e jó no sai ce ch'o vinç. Duncje o sin pari:-) Dal rest o no vês ch'a sintî.

Nessun commento: