I miei Video clips furlans

Loading...

05 dic 2007

La Clinton e la Tilde

Le Tilde vuê a saltave fûr de farmacie sbatint le puarte. A ere inrabiade e come par fâi eco, ancje le sô cjagne a rugnave cuant ch'o soi passât dongje.
Dîs minûts dopo, tornant a cjase a passave pal parco indulà che duç chei che an un cjan a passin ogni dí e lí a incrôse le mê femine e a tache a lamentâsi cun jê che il farmacist al é un sporcacjon e un maleducât e un purcit e un...
Le mê femine, le scôlte fasint sí cul cjâf come par mostrâ ch'a é dacuardi cun la Tilde ma cuant che il lôrs cjans e an finît di fâ ce che an di fâ e ch'a s'in và a no sà plui tratignîsi dal ridi e a ven a contâmi il scenario.
Ducj e san che la Tilde cuant che a le cjagne in calôr a và ator cun le ombrene par impedî che i cjans a vegnedin intor de so cjagne. Jê, prime e cride e dopo e peste e a no mancje di pestâ ancje le cjagne se e a l'air di lassâsi fâ.
Ma duç a no san ce ch'o savin nô, l'omp da Tilde, il fradi da Tilde, i vissins da Tilde, ducj chei che an cjans e il farmacist...
Infat, duc a san che la Tilde e a lis regulis ch'a durin ancje dîs dîs, parcé ch'al é impussibil par un omp di lâ dongje da Tilde plui di un metro tar chel periodo. Le sô cjagne, prime e rugne e dopo e muart e no mancje di muardi ancje le Tilde se a l'aiar di lassâsi fâ:-)
Se chest al é un dint par dint, un dint di cjagne al vâl plui di un dint di femine.
Ch'al sedi cussí ancje par Hilary Clinton?

3 commenti:

Anonimo ha detto...

Biele cheste conte. Samee vere.
Ti la ai comedade cu la grafie. No stâ a rabiâti. Mandi
"

La Tilde vuê e saltave fûr de farmacie sbatint la puarte. E ere inrabiade e come par fâi revoc, ancje la sô cjagne e rugnave cuant che o soi passât dongje.
Dîs minûts dopo, tornant a cjase e passave pal parc indulà che ducj chei che àn un cjan a passin ogni dì e li e incrose le mê femine e tache a lamentâsi cun jê che il farmacist al è un sporcacjon e un maleducât e un purcit e un...
La mê femine, le scolte fasint si cul cjâf come par mostrâ che e je dacuardi cu la Tilde ma cuant che i lôrs cjans e àn finît di fâ ce che a àn di fâ e che a si invie e no sa plui tratignîsi dal ridi e ven a contâmi il senari.
Ducj san che la Tilde cuant che à la cjagne in calôr e va ator cu la ombrene par impedî che i cjans a vignedin intor de sô cjagne. Jê, prime e cride e dopo peste e no mancje di pestâ ancje la cjagne se e à l'aiar di lassâsi fâ.
Ma ducj a no san ce che o savìn nô, l'om da Tilde, il fradi da Tilde, i vicins da Tilde, ducj chei che àn cjans e il farmacist...
In fat, ducj a san che la Tilde e a lis regulis che a durin ancje dîs dîs, parcè che al è impussibil par un om di lâi dongje plui di un metrot in chel periodi. Le sô cjagne, prime e rugne, dopo muart e no mancje di muardi ancje la Tilde se à l'aiar di lassâsi fâ:-)
Se chest al è un dint par dint, un dint di cjagne al vâl plui di un dint di femine.
Che al sedi cussì ancje par Hilary Clinton?" Furlan

furlan ha detto...

Ti "le" ai comedade. Ce mus che o soi.

Jaio ha detto...

Grassie mil. Cumó o puès leile a âlte vôs:-)
Grassie pe visite.
Mandi