I miei Video clips furlans

Loading...

11 dic 2007

Lis mans dal djaul

O sai, o sês pronts a dî che un Venier di plui o un Venier di mancul al é compagn.
Eh no! Di ducj i furlans achi ator, nissun nol cognos il plui grant di ducj :Glauco Venier. Al é ore di sveâsi. Finîts i premis Friûl par boy scouts. Achi a si fâs sul serio. Va ben, al fâs dome sul metro e novante di altece ma in largjece al é un gjazziste, ricercador, filologo musicâl, un professor, un autôr e sôredut un pianist dal gjaul, inventîf, apasionât, virtuôs e fintramai umorist. O ai vût le ocasion di sintî sclopetâ lis sôs bufulis di champagne furlan enfre i soi dêts e il so piano in tun concert indulà ch'al ere acompagnât da un grant virtuôs dal sassofono todesc Klaus Gesing e dal coro de Regjon.
. Le voe mate di diviertîsi e di divertî dal Glauco a ere esaltade pe virtuositât sô e chê dal Klaus. Un vêr delirium tremens al si ere creât enfre i doi. Une rôbe da mats indulà che il coro de regjon, dut ben alineât cun lis scarpis lustradis a le plevane al sameave ch'al fos a cjantâ in te glêsie vissine. Le idee in sé, a no ere mâl. Recuperâ lis nestris lidrîs par scomponi lis melodiis di une bande tant che di chê âltre e lave indenant a le vecje, al ere da fâ. E ben il Glauco lu a fat. Lu a fat in tune improvisazion libare cun lis sôs manonis a la Paganini che svualavin sot di lui come chechis scjadenadis tant che lui par gjoldi di plui il so piano al si tignive gobo come il mostro di Notre dame cuant ch'al vai.
Po ben, no ai nuje da faus sintî parcé che cun lui al và cussi svuelt ch'a no si sà nancje dî bê. Rôbe da scôltâ come une messe di Pasche cuant ch'al passe di cualchi bande. Nol a a sitos. I grancj a si metin di front dal pc dome par no sei di front dal spiêli cuant ch'a si fasin le barbe e lui al massim al si tae un pêl par no someâ masse salvadi. A nol a timp ma vè achi cualchi link par savent di plui:
http://www.orpheusmanagement.it/artisti/venier/discografia.html
http://www.jazzitalia.net/IoCero/serenadefurlane.asp

4 commenti:

ILfurlanist ha detto...

sì, sì... o ai capît che tu âs montât su dut un post par sustâmi...

FDS(fûr dal semenât) al blog ti mancje un plus: setu iscrit a blogbabel?

http://it.blogbabel.com/metrics/

Jaio ha detto...

;-) E dî ch'o ai cirût di dut par no tocjâti:-)

ILfurlanist ha detto...

Cumò o cjati jo un cul to cognon che al sune la fisarmoniche e t'e peti!
Iscriviti a Blogbabel che o vin di invadi lis classifichis dai blog ;-) fuarce blogariiiinnnsss!

Jaio ha detto...

O speri ch'a tu varâs avonde cûl:-)