I miei Video clips furlans

Loading...

30 ott 2007

Tifâ o Preâ ?

O vin duç bisugne di crodi in alc o in cualchidun e il minimo ch'al si puès fâ al é di crodi in sé.

In ce crodêso vualtris?
O cognós un brâf cjargniel ch'al crôt a chê madone ch'a vài, aventivie a Mandjugorie, e al và alà a preâ come nô o nin a viodi l'udinês zujâ.
Che le sô madone a vaiedi o no, ce ch'al mi dà fastidi, al é che lui al torne simpri seren e plen di voe d'invidâmi a bevi un tai invesit jó, o torni simpri cun le voe di sfogâmi cun la Juventus par no vaî sù l'Udin e gleti il gno tài par traviers.

Un di chescj dîs, o lu invidarai jó a bevi un tai. Baste ch'al vinci l'udinês. Po magari o i promet che se l'Udinês al vinç ancjemó, o larai cun lui da sô madone senó al scuen prometimi di vignî cun mé e le fie di mê madone a viodi le partide.

Daspó, se intant che jó o sbergheli e che lui al pree il goâl nol rive, al scuignarà dî un miserere semai o trai cualchi porco parcé l'arbitro a nol colabore cun nô:-) Ma intant, ch'al torne di aventilà cun le madonute puarte-furtune-fosforescent ch'al mi a prometût , o i ai zà preparât alc di dâi in cambio: Un Udinâs.


Come che lui al puarte i ocjâi, di vê un nâs di ricambio a i puès simpri siervî.
Intant ch'al sgrane il rosari, jó mi sclarís la vôs e, zence pôre di stonâ, so fracàis sul fuarce Udin achi sot o varessis di sintî ce ch'al é vignût fûr.
Fuarce Udin! <<< style="font-size:78%;">I'm out of the blog for one week.
Je prends congé une semaine.
Saró assente una settimana.
Istem nie tutai w ciągu tygodnia.
Soi fuera una semana.

29 ott 2007

I pitôrs




- Vuê o met un macèt di rôsis di mont ch'o ai piturât par chês ch'a stan al mâr o che pal moment e an di sei di besolis te spiagje de vite.
Le nestre voe di plasê a é cussí grande ch'o sin pronts à inventâ ogni dí un gnûf lengaç par ogni rôbe ch'a nus tocje di fâ. E se juste par no fâle come duç o deventin ancje esibizioniscj o scusarês le maniêre ma aé l'uniche ch'o vin par mostrâsi:-)
- Cussí, o cjatarês pitôrs ch'a piturin cul lôr sanc (Pete Doherty) e altris cun le lôr miarde (scuâsi duç chei âltris:-) ma infat, zence sherzâ, ognun di nô al varès di piturâ cun le so linfe ch'a nol bisugne confondi cun ce che il plasê nus fâs sudâ gote a gote ma ch'al é il sudôr da l'anime ch'o vin di cualchi bande e che spès o dismentín di vê.
Siché, vendi un cuâdri, al sarès come vendi un toc di nô stès. Ce sono alore chei bêz ch'a si à cuintri un dêt, un nâs, un toc di cûr ch'a si dà?
-Fin cuant che le linfe aé abondant o le stracín par fâ scaraboçs e grafitis di ogni bande, ma cuant che le linfe a si fâs rare alore a no si sà plui cemût doprâ chest cazzo di pinel o chest pinel di cazzo parcé ch'a no indé plui ni ingjustri, ni colôr, ni ispirazion ni plui nue da dî e alore a rive l'ore e mi fermi e us saludi companie:-)

27 ott 2007

Il GPS ancje pal boby!



O sin in ritart. So vês di lâ di cualchi bande cumô us bisugne un GPS. Cemût? A no lu vês ancjemó ricevût in regâl? Par Nedâl o scrivês l'indirís, op, e vie, o lais indulà ch'o volês come tai films di James Bond. A son cussí precîs ch'o rivais propit sù le puarte de cjase...Cuant ch'al funzione ben! Si, come che pal moment a si dipent dai merecans, o scuignin adatâsi a ce ch'a nus dan e sa nus al tàin o pierdarin le vuere:-)
- In Russie e an a pene mandât il gnûf satellite di navigazion Glonass
. Cun tun paîs grant come il lôr, dopo vê fat la Glassnoz no ano fat il Glonass ? http://technorati.com/blogs/www.engadget.com
I rùs a indan bielzà trê tal spazi. E nô? No dîs nô furlans ma nô, nô europeos. Eh?

Ben, o no si sin ancjemó mitûts dacuardi par fâ il Galileo. Mancjance di bêz.

Figuraitsi, il 37% dal budget europeo al é spindût pai susidis ai agricoltôrs dissal Toni Blair (ch'a son dome il 5% de populazion), e il 42% al và par susidiâ lis regjons lis plui puaris. Il rest a no si sa ben ma so lais a Bordeaux o cjatarês une grande place come chê di Tienamen dute sot âghe e cosí sia... Chest matèç ch'al si clame Miroir d'eau, dome par doi mês di sorêli ad ant, al a costât 2 milions di euros e al é stât finanziât cui bês europeos come dal rest i casetons design mitûts in centro in tune des vilis plui opulentis e mancul puaris d'Europe.
Alain Jupé, il sindic, al a capît ch'al bastave nomenâ une persone che lavore dut l'an par fâ lis pratichis e puartâlis a Bruxelles e il so comun al é ancjemó plui scior di prime.

Sa si và indenant cussí, tant che nô o stracin il timp cun Strassolt nus tornin i mongui tal gjalinâr.
A mancul ch'al sedi Strassolt ch'al strace il timp a dâlis o a no dâlis, a tornâ a dâlis, a recuperâlis, a gjustificâlis, a sacramentâlis, a fâsi maledî, benedî...
E Prodi po? No isal daûr a meti sù une leç par obleâ i talians a regjistrâ i lôrs blogs? jó o rit bielzà da un timp ch'o stoi a l'estero ma il Grillo, lui al sivule. Se varèssin di tassâlu pai coments ch'al suscite fasint polemichis di sigûr ch'al pierdarès il sivilot:-)
Alé op, fasin 'ne rime, so vignîs da me cul GPS o scuignarês puartâ une butilie. Par sore chê us cjatarai un parchegjio:-)

25 ott 2007


Us impensaiso chê di Bill Clinton ch'al diseve cun le man sul cûr indignât: -No ai mai fat sès cun chê femine.
Daspó, o savin ch'al contave balis e savintlu, francamenti chê di Strassoldo a nus somee juste un scherzo di asilo nido, daspó, so pensin ae considerazion dal pape viers Pinochet a nus somee ch'o vin dut dismenteât.
Invesit no. Chê dal 11/09, a nus reste tal cjâf. Ce in d'îsal di vêr e ce ind'îsal di monadis? Ben, justamenti, Sul blog di Kevin http://bartoy.blogspot.com/ , un merecan cun vons furlans, le cjacarade a ere lade sul 11/9. Cul gno inglês facil come il gno gjave strops furlan, vé achi ce ch'o i ai dite:

Hmm, What serious questions to laugh. I'm sure that some jokes on the same subject would be nice to cry too. Lets have a look:
Giuliani sounds to me like my uncle. Not really an uncle Sam from America, just a parent who comes from the same region: Carnia in Friuli.
Some friulians are still called giuliani or "zulians" in the local language because the real name of the region is Friuli Venezia Giulia.
There is a mountain named La Creta forada ( the bored ridge ) which has a round hole near the top. Let say that one side of the mountain there are Zulianis and on the other one there are Giulianis.
I mean that they are similar with a little difference:-)
Since many centuries both of them they are looking at the same hole on the ridge but in one valley they believe in one legend and in the other one they believe in another story.
It's funny to find comparaisons like that but lets go on. In one valley (Val Pesarina) they are speaking with a tipical accent where they always use to finish the ends of the words with an A. For example they say Aga, Biela (Water, beautiful) while in the other valey (Rigolato) they finish all the words with an O and say Ago, Bielo...
How can they believe in the same things? Impossible.
That's the reason why they don't believe in the same holes. Like me. Who did it? How happened? How?
I'm coming from the Pesarina valley:-)
There is plenty of other valleys in Friuli where people can't trust each others and use to finish their words with others vowels like i or E and so the diffences can be: Cjasis and Cjases istead of Cjasas or Cjasos (Houses).
What is funny, is that this differences start sometimes from one family to another in the same village or on the other side of the street. That's probably one of the reasons why, there are more friulians around the world than in Friuli:-)
Sicily, where they use to put a U instead of a O. It's like in Sardinia but dont say that to them, they can be offended:-)
And you, what kind of accent do you have?:-)
Romans and nopolitans use to put a B instead of a P and a G instead of a C and this, even when they speak another language. Russians they use to put an A instead of an O and a G instead of an H. That's the reason why in the Volga valley which are normal for us, for russians they are different and Stalin, a Georgian, persecuted them.
Hallo, the palice? Dont' say police over there. You can be put in jail before they answer:-)
And if the reason why spanish speakers has troubles in south America would be just because they can't put a V like in Victory instead of putting a damn B like they do everytime?:-)
So, what? For or against Giuliani?
I never have had sexual relations with that woman, said Bill Clinton very serious to the judge. We are still laughin about his indignation but it was looking like a small lie. One of those lies that we, one day or another, can do too, whatever the accent we could have when we lie:-)
- But, what there is behind the twin towers?
Please apologize my accent:-)

No sai ma o ai l'impression ch'o vês capît dut. Come me:-)
Il Clinton cul sax a é une sculture animade ch'o ai fat par un museo. Nissun fin cumó mi a ordenât Bush:-)

22 ott 2007


Sul nêri e sul blanc al puès sucedi di dut. I colôrs a si viodin miôr, a son plui vîfs e no son influenzâts parcé che il blanc e il nêri a son colôrs neutros. O scuignivi scielgji il nêri e 'l blanc par vie dal udinês. Il disèn al mi é vignût fûr cussí cun le tastiêre ch'a spandève lis notis in blanc. Alore il font de pagjine al veve di sei nêri come un scûr sgabuzin da emplâ di rôbe vecje e gnove ma scrite, piturade, scolpide, sunade, cjantade e insome... furlanade in dutis lis manièris pusibils. Par chest al si clame Furlanâr. Par ch'al suni come fogolâr, par chal rimi come a un seglâr e indulà che la T di un Furlanart a si é brusade tal fùc e studade in te âghe.Vino di scometi che achi al sucedarà alc di duç i colôrs? Sa nol sucedès nuje, lait sul forum di Fuarce Udin http://fuarceudin.com/forum/

Glossari Furlan

Furlanâ = Cjacarâ di dut e di nuje ma par furlan criticant dut ce ch'a nol é furlan
e vantant dut ce ch'al é furlan Esempli: Un furlanist al furlane, doi furlaniscj e furlanin, ecc. ecc.
Variazion: Furlanetâ. Si dopre dome cun le scove. Plui serio e da adotâ: Furlanâ = Cjacarâ furlan
Talianâ = Cjacarâ talian...E vien indenant.

Furlanâr = Sgabuzin enfre il fogolâr e il seglâr par ficjâ dentri ad arte dut ce cha si brûse di une bande e si nee o si dinee di che âltre.

Furlanists = Furlan novel ch'al spere di ben invecjâ. Dutcâs:
Da bevi zence esagerâ.

Furlanadis = Rôbis detis e fatis par furlan par ficjâ tal furlanâr

Furlanel = Peraule simpatiche par no disi Ca**o o Bi**e in presince des mulis o de mularie.Si dîs ancje Furlanin, Furlanet e Furlanut prime ch'al deventi furlanon o furlanot:-)
Ma sa nol tire al devente furlanuie:-o

Furlanèle = Da doprâ cun delicatece invesit di frice. Par esempli, a no si dîs:
-Dami le furlanele senó cji mangji le coradele... Ma se a sà di caramele e no sà di scaraboç al
é miôr di no pierdi timp a fâ rimis:-)

Furlanûl = Gjergo inventât dai furlanôi par no dî cûl, didaûr, sentadin, vie de cache e vie vie.

Furlanôli = Il gnûf gay furlan.

Furlanocje = Altri gjergo di furlanôi ma adotât par duç e da no dismenteâ pe prosime vôlte ch'a us sucêt di fâ le domande in public s'al é question di bocje e di pompin.
Il nuovo Pirona: Ioii ce buine furlanocje!
Il vecjo Nazzi : Ce furlane imbocje-ca**i!
Pre Toni Beline: Ego te assolvo...
Pre toni Merlot: E che non t'induca in tentazio o o ne!
http://www.cfl2000.net : Nessun lemma trovato.

Infurlanament = Vôs dal verp infurlanâ ma doprât ancje par ficjâ, indotrinâ, freâ, taconâ...
Ah si?

Taconâ = Vecje espression par dî "Bati il tac in doi" che daspó
il 69 (Par fuarce!) a si puès bati ancje in trê o cuatri ma s'al in d'é masse compagnie a devente Furlanórie o Furlanie.
Etimologjie: Tac, come in polac cuant ch'al é sigûrs ch'a nol é e dal irlandês O No cuan ch'al é sigûr ch'al sarà , che, pronunciât a la merecane al é deventât Ouuh naouuu par alternâ al oh yeahhh tai films di botta e risposta.

Furlanisazion = Peraule doprade le prime vôlte da Pasolin dopo ch'al ere muart e cjatade sul web prime di fâ chest sito par dî la mê.

Le furlane = Il bal plui popolâr in Europe tal 17im daspó che i venezians a le vevin adotade in duç i lôr bài. Ancje Balie. Fin prime de vuere lis talianis de borghesie a dopravin une
furlane come balie par alatâ i lôrs fruts. Tant ch'a vevin làt a vevin furlanetis.
Cumó che lis mulis a tachin a cjapâ le pilule a 14 ains e che i mui a imparin a doprâ il preservatîf a scuele, a no si romp plui lis scjatulis dal lat monopolizât enfrevie da Nestlé.

Furlanetis = Cualchi vôlte plui garbât ch'a disi tetis. Espression par dî che un al ûl masse: -A no tu puès vê le stesse man te furlanêle e tes furlanetis. ..Sa tu lis âs zà tas mans,a tu sês bielzà ispirât alore tâs, tâs, tâs!
So vês chê di zontant une no stait vê pôre:-)

To caw or not Tocai ?



Insome al é inutil sberghelâ, chê dal Tocai no nus é lade propit cussí mâl. Cuant ch'o savin tros tocais ch'a in d'é in tal mont al ere ore di gambiâ par che 'l nestri a nol sedi sgambiât par un'âltri. Jó, che il furlan da mé no lu cjati, o scuignivi adatâmi cul tocai bulgar (Avonde bon e dome 4 euros), o senó cul tocai australian (Juste bon par provâ a 6 euros) o argentin (plui simpatic parce che forsit tirât sù da furlans ma a 7€) o cilen (Cun tun retrogust di Pinochet a 7 ancje chel) o ben californian a 8€ par vie che le famee Gallo cumó che a comprât l'Antinori toscan al fâs i prêsits ch'al ûl) spietant di tirâ fûr il Tokai da l'Alaska:-)
Nue, il tocai furlan al bisugne bevilu sul puest senó nuje. Come i fîchs al bisugne mangjâiu sul arbul senó a van di mâl, o mi disarês... E i furlans, al si disarès ch'a fasin cussí: A lu bevin dut lôr. Guai a esportâlu. Sino mats?
Daspó, cumó che il nestri tocai al si clamarà Friulano (Ce pôc geniâl!) o varèssin di fâ le domande par che duç chei âltris e fasedin compagnj. Cussí o varin il Bulgaro magari cul bacillus bulgarus dal yogurt:-), l' Australian (Che nissun al viodarà 'ne difarence) l'Argentin,che cul verdicchio e il verdolin e il paglierin al starà ben cul cilen e il Californian cuâl ch'al sêti il so colôr.
Ma alore ce fâ dal Cabernet e dal Merlot? Dopo vê "tocaiât" achi e là, o ai smerlotât e cabernetât e vé achi in te foto ce ch'o ai bielzà cjatât...O scuignarai ancjemó scombati prime di vê fat il gîr zence confondi lis etichetis...

21 ott 2007

E se al sucedès in Friûl ?



Se enfre chei che cjacarin todesc, slâf, furlan, cjargnel e triestin al sucedès ce ch'al sta sucedint in Belgjo al sarès veramenti la fin. Il Belgjio ch'al é fat di nerlandofonos, gjermanofonos e francofonos al si cjacare bielzà inglês cun tun frac di lôr ma , da plui di trente agns, i disturbos di nazionalitât fiamingos a fasi tremâ i governos.
Un tic come da nô ch'o le vin cui triestins o i cjargnei ma in plui fuart. I sciors di vuê, ch'a erin i puars di iar cumó e alcin le creste e volarèssin scindilâsi pa lôr cont. Ben che le magjoranze a no sêti dacuardi, a son chei scalmanâts ch'a sburtin e a sburtin fintramai da un piès. Cussíché, a son plui di trê mês che il paîs al và indenant zence governo. Francamenti, cun l'Europe ch'a si ingrandís simpri di plui al si disarès che lis regjons a si svéint e a volarèssin vê plui di autonomie. No erial bielzà sucedût in Cjargne trê agns fa? Par furtune a nol é sucedût ancje se le Cjargne d'in chêl ant e à fat le so bandiêre. A chest proposit, in dut il Belgjo al si viôt bandiêris nazionâls svintulâ pai balcons. Nol é che le squâdre nazionâl a vêti vinçût une partide a son chei Belgas ch'a no vuelin le separazion.


Chiste simpatie pe lôr bandiêre a mi a dât le idee par gambiâ le façade de cjase metint sul balcon le mê fantasie. No pensavi ch'al vès vût cussí tant succès. O soi passât tal gjornâl locâl e te television nazionâl in te stesse setemane. Il biel al é che il plui belga di duç i belgas al é un furlan:-)


Le setemane ch'a ven o sarai a Udin. O cîr une cjase par decorâ une façade:-) Intant o met une acuile sul cûr...