I miei Video clips furlans

Loading...

2 gen 2008

Ce panse!


O ai une panse ch'o mi fâs pene a cjalâmi. O eri rivât a calâ di cualchi chilo in 6 mês e in mancul di une setemane a mi son tornâts in te panse tant a é vere che spierdût daûr di chest sac di cartufulis o no rivi nancje plui a cjatâ il robinet de âghe cuant ch'o voi tal bagno. E nol é ancjemó finît. Cui amîs rùs e armenians ch'o vin, o ai scuignût celebrâ il Nedâl trê vôltis e on varai amancul fint al 13 di zenâr prime di fâle finide. Il caviâl a nol é cê ch'al mi plâs di plui ma mi soi lassât dî ch'al ere un afrodisiac e mi soi emplât le panse. Risultât: A part le panse, a nol mi monte sù plui nuie. Masse, masse, o ai mangjât masse.
O no sai plui fâ nuje parcé ch'o soi simpri ocupât a tirâ sù i bregons. Guai so fós come il plevan ortodós di achi dongje. Lui cun lis fiestis al s'incice di 11chilos. Par furtune che le sô femine a lu ten di vôli senó al varès di lâ ator cun tune cariole par puartâ le panse. . O ai butât vie une camionete di porcherie enfre lis butiliis e lis scjatulis vueitis. A nol m'interesse plui nuie. Il paneton al limoncé al é poiât li parsôre come s'al fos l'elmo dal frigo. Ce schifo! O butarès vie dut pal balcon sa nol fós che no ai plui nancje le fuarce par fâ cin cin ansit, o soi a doi pàs dalbum bum.

Nessun commento: