I miei Video clips furlans

Loading...

06 gen 2008

Cent mil bussadis in tun colp


Sal fos stât cui nestris pâris, le bussade veneziane dal prin dal ant e varès stade abolide de glêsie.
Ma par furtune le glêsie no é plui ce ch'a ere.
L'ant passât, o eri a Vignêsie al prin dal ant. No ch'o sedi maso ma ogni ant al prin dal ant o voi in tune sitât diviarse a fâmi pestâ i pîts enfre le int ecitade o bevude.
A Vignêsie, a mi ere plasûde chê copie che par 5 euros nus veve cjapâts sul motoscafo juste vinç minûts prime di mieze gnot e, de stazion nus veve menât a San Marc, svualant a dute bire par ducj i canâi ancjemó praticabils. Rôbis da mats ma da ridi di pôre:-)
Chest an, no eri là par fâmi pestâ i pîts dai vissins, sturcjâmi la vodka sù le spâle dal panson di chel rùs di doi metros o mandâ a cagâ chel piçul mone di milanês ch'al veve tirât un petardo tal mieç de int.
Ma i riflès dai fucs artificiâi sù lis âghis dai canâi a erin biei come chei tal cîl enfre lis cupolis e lis bussadis ch'a si si scambiave jó e le mê biele sa erin anonimis a erin di cûr. Chest ant, la mê bussade, cun 50.000 bussadis dadis contemporaneamenti da 100mil di lôr a miezegnot, e varès stade ancjemó plui anonime ma al mi varès plasût di sei a Vignesie pal Love 2008. Pensait: A tu dâs une bussade ae tô biele e al é come sa tun darès 50.000 in tun colp. Eccitant!
Strani che nissun blogarin achi ator a lu vedi dite. Forsit che in Friûl chestis bussadis a son masse coloradis? Po ben, il sens de grandece a mi al mi plâs come il sens des rôbis fatis di bant e dome pal plasê di fâlu. Ch'o sedi jó il plui mat? O mi domandi cemût mai che an scierât il manicomi di san Svuâlt. Forsit no in dere avonde mats par meti dentri? Pecjât, al mi varès plasût di passâ le fin dal ant in manicomi cun tune scjatule di furminants.

Nessun commento: