I miei Video clips furlans

Loading...

24 gen 2008

I furlans di vuê


O vevi talmenti sintût i vecjos cjacarâmi dai casins di vie Postumie di Udin che sintint cjacarâ des grotis di Postumie o vevi decidût di passâ il confin a Triest. Dut ben. Jó ch'o ai za fat speleologjie un tic dapardut, o soi restât meraveât. Di sigûr aé le grote le plui impresionant ch'o vedi mai visitât ancje s'al ere dome come turist.
Tornant a cjase, o volevi tornâ par Gurizie e mi soi cjatât a lâ sù par une mont par une mulatière in plene gnot. O crodevi ch'a mi vessin mal indicât le strade chei vecjos ch'a cjacaravin talian di chê âltre bande e invesit cuant ch'o eri insomp o ai cjatât le strade asfaltade che lave jù fint a Nova Gorica. O eri tant mone che no mi ere vignût tal cjâf ch'a podeve sei le stesse sitât che Gurizie e o volevi tornâ indaûr. Par furtune no lu ai fat parcé ch'o soi rivât al confin prime di miezegnot, e s'al fos stât cualchi minût di plui, a mi an dite, a no mi lassavin passâ. Insome dut un casin parcé ch'a si ere a l'ere de Jugoslavie e il doganîr dut di vert vistît, al mi tirave a siment par ch'o i pâi il lasciapassare. Chest ricat, a nol mi é mai lât jù ma o soi content che finalmenti enfre nô e le Slovenie a nol in sedi plui doganis. Viodêt pluitost ce ch'al sucedût le sere che a an vierzût le frontiêre. Lu ai cjatât tal blog di un jazzman furlan Riccardo Chiarion http://jazz.blogs.it/ ch'al é stât a imparâ il jazz al cors di Glauco Venier al conservatori Tartin di Triest e ch'al insegne cumó al Tomadin di Udin.

Nessun commento: