I miei Video clips furlans

Loading...

03 gen 2008

Il biel e il brut di Lord Byron

"The moon is up, and yet it is not night; /
Sunset divides the sky with her; a sea /
Of glory streams along the Alpine height /
Of blue Friuli’s mountains; Heaven is free /
From clouds, but of all colours seems to be, /
Melted to one vast Iris of the West, /
Where the day joins the past Eternity".
17/186 dal Child Harolds pilgrimage di Byron

Lord Byron al é rivât a Bruxelles par câs tal mês di avrîl dal 1816 . Le sô caroze, ch'a ere une copie de caroze di Napoleon ch'al amirave, a si ere rote des bandis di Anversa e al scuignive spietâ 10 dîs. A si puès dî ch'al viveve sule fame che i inglês a si erin fats dopo de vuere di Waterloo e par lui al ere facil di vê credits a diestre e a çampe . Cussí, scjampant i creditôrs inglês e i scandui ch'al veve creât fasint un frut cun so sûr a pene ch'al ere maridât al a scuignût scjampâ ancje da Bruxelles zence paiâ il fit de cjase ch'al veve fitât al 51 de vie Ducâl par sé e i soi siervidôrs enfre cui ancje il so miedi Polidori..
Il Byron, al çuetave fin de nascite ma al veve par sé une bieleçe di omp e une facilitât tal biel cjacarâ e tal biel scrivi ch'al rivave simpri, facilmenti, a fâsi invidâ des feminis o dai omps par sentâsi ae lôr taule o par ponisi tal lôr iet. In font, il Byron al sarès un tic il Casanova dai inglês. Ducjedoi e scjampavin de lôr sitât par lâ di cualchi bande ator da l'Europe, zence savê ben indulà fermâsi. Al dí di vuê, e saressin invidâts de TV locâl e in tun cuart d'ore, a no varessin timp di fâ nuie. Il gazetin o il Messagjero a i varessin fat forsit une interviste di circostanze che, s'al fos rivade il famôs 11 di setembar a no varessin forsit nancje publicade. Un albergo, zence une cjarte di credit a no jù varès di sigûr nó ospitâts. Ma i grancj spirits e an spès ancje grancj difiets e nô , par une biele strofe ch'al a fat sul Friûl o i perdonin dut il rest. Alore, so savin che cheste strofe a é le 17me sù 186 o podin continuâ a çavariâ:-)
A no si sà cui che in Friûl a i à dât l'ospitalitât. Ai bài, i çuets, a no si fasin viodin e le danze furlane ch'a si balave in chê vôlte in dute l'Europe forsit a lui no i interessave ancje s'al stave a Vignêsie e ch'al cjatave lis mulis bielis da figurâ tai cuâdris dal Giorgione. Ma passant des nestris bandis al a vût chê di scrivi alc d'intonât cul stîl liric da l'epoche. Forsit a lu veve scrit par une furlane prime ch'a lu invidi a condividi il sô jet in tune sere serene e plene di ombrenis celestinis e di promesis libertinis. Al si dîs che le prime poesie a le veve scrite par une cusine cuant ch'al veve 15 agns parcé no par une furlane cun tun biel cîl parsôre di jê? Le storie forsit nus a platât le strofe ch'al veve fat di cheste furlane a si sà dome dal cîl ch'a vêve sôre dal sô cjaâf. S'al rivàs cumó, cui paparazzi, al varès dificil di platâsi e a si savarès subite di ce ninine ch'al si trate, ma par stâ ae mode, lis rimis e varessin un'altri savôr . E saressin fatis forsit di sdegno, di disgust, di peraulatis plenis di rabie e par fâsi sintî al scuignarès forsit ancje cjantâlis in rap vistît da punk. Ma lui al a ancje dite che le sô vite, a part cualchi moment, a é stade come une lungje sosedade...
O vin duncje vût furtune ch'al ere ben lunât cuant che in chê sere le lune e il sorêli a si contindevin il cîl furlan e enfre il dí ch'al s'in lave e le gnot ch'a s'in vignive al a podût ispirâi dôs rimis che so lis disès jó a une mule vuê in te vorêle zence dî ch'a son stadis fatis dal Byron, a mi disarès ch'o soi un mone o un mat e di sigûr un puar biât. Po ben, s'al a cerçât il prossut di san Denêl, al no nus a lassât nissune rime sù di lui ma o savin che i inglês a mangjin dome par no vê fan e che jó o scrîf dome cuant ch'o no ai nujâltri di fâ:-)

Nessun commento: