I miei Video clips furlans

Loading...

08 gen 2008

Il paîs dai bêz


Il Lussemburc al puedarès sei paragonât ae Cjargnie par vie dal vert e de superficie ma no pal rest. Cuant che un paîs al va ben, no sai so vês rimarcât ma a no si sint cjacarâ di pulitiche ni dai politics. Po ben, in Lussemburc, come in Svizare, a no si sà cui ch'al é al governo e forsit, come in Belgjo da 8 mês a puedaressin ancje stâ zence parcé che cuant che il paîs al é ben organizât al funzione di bessôl.
Ancje de Cjargnie, a no si sint cjacarâ masse. Lis ûltimis rôbis sintudis a erin chês ch'a no volevin la superstrada e ancjemó di mancul l'elettrodot, ancje se interât di 3 metros.
Paîs dinamic e plen di caratar? Dutcas, le fierece ch'a vevin chei ch'a sfilavin a Tumieç par mostrâ ch'a erin cuintri a someave a chê dai soldâts francês cuant che sfilin il 14 di lùi sui cjamps Eliseos par mostrâsi al public.
Le stiliste Sara Cortiula a mi diseve vuê ch'a ere a pene tornade de Cjargnie e ch'a sa nol fos che i soi gjenitôrs a son tornâts a stâ a lassú, a no larès plui. Zà da viodi i negozis scierâts une setemane par fâ l'inventari al é da ridi par no vaî. Achi a si lu fâs vie pe gnot par podê ricevi i clients vie pal dí. Il periodo de fin dal an, al é il periodo indulà che i comercios a fasin il 30% dai afârs dal an ma in Cjargne a si siere i negozis par fâ l'inventari... Ch'a vedino masse bêz?
L'Adsl a rive dome fint a Tumieç e a no và plui in sù e i piçui industriâi, leâts al mont par internet a scuegnin spietâ mieze ore par mandâ un mail. Ch'a sedino filosofos?
In Lussemburc a si entre e a si ès dal paîs in mancul di un'ore. No an vût pôre di fâ autostradis e no crôt che par chest a sedin mancul leâts a ecologjie che in Cjargne ma lí a no si a pôre di fâ dut ce ch'al covente par tirâ i stranîrs a puartâ i lôr bêz. O ai a pene ricevût une invitazion par lâ a une riunion in Lussemburc. A tu rivis as 9 e a tu fisissis as 5 e a tu pais 617 euros.
Tema: Cemût fâ une societât in Lussemburc e fâle finanziâ da societât lussemburghês:-) Altri paîs e altri mont. O voi di spès in Lussemburc dome par lâ tai paîs dongje parcé che le benzine a coste 15% di mancul. Chiste vôlte o ai di lâ par fâ un monument in vetrorêsine par lanciâ lis bicicletis a nolegjo come che an fat a Parigji. Pal rest, chei che an voe a puedin fâ une societât in tune dí e cussí scjampâ ae pression fiscâl dal lôr paîs come che fasin i vissins todescs, olandês, francês e belgas ma ancje merecans e gjaponês e cinês ch'a van a investî o a plaçâ i lôr bêz. Chieste a é le difarence: In Lussemburc a si và e de Cjargne si scjampe.
So vês chê di cjatâ furlans sul puest...

2 commenti:

Furlans de diaspore ha detto...

Ogni volte co voi in tune regjon/stat particolar le che an usat le lor specialitat e si son insiorats mi domandi su ce che spietedin i Furlans.

Lu ai za dite ma mi par che le politiche regjonal local e je une des plui complicadis....che merecane in confront e je aghe di rosis.

Jaio ha detto...

O crôt che come tal rest da l'Italie, a si cjacare masse e a no si fâs avonde. A Vignêsie, a son trente agns ch'al é stât fat il proget di scierâ le lagune cuant ch'a ven le âlte maree e o crôt che tra trente agns a nol sarà ancjemó fat. I politics a van e a vegnin ma lis ideis a son simpri compagnis: Ognun par sé.
Intant Vignêsie si sprofonde simpri di plui.Come l'Italie!