I miei Video clips furlans

Loading...

04 gen 2008

In vino o no in vino veritas?

Tal 1644, il bolognês Vincent Tanara , al veve fat un libri sule agronomie e le gastronomie ch'al é stât editât plui di 20 vôltis cul passâ dai ains e che forsit une dí, un prêdi o un frâri, un devot o un bigot sus fasaran une version par furlan par vê le scûse di bevi un tai ancje in te sacristie:-)
Sul vin al diseve :
-ch'al purificave il sanc,
-ch'al judave le digestion,
-ch'al purgave il cernêli,
-ch'al alçave l'intelet,
-ch'al rallegrave il cûr e al vivificave il spirit,
-ch'al riduseve le flatulence,
-ch'al ecitave l'apetit
-Ch'al ungeve lis articulazions dai vecjos
-ch'al ere un antivelen
-ch'al faseve passâ lis angustiis come il vint al pare vie le nebie.
Alore al é rivât Pasteur e al a dite che il vin al ere bon, si, ma dome se... bevût cun moderazion.
In Russie indulà che ancje i inglês a no olsin fâ gare a di chel ch'al bêf di plui, duç i scienziâts, matematics, ingegnîrs informatics invesit a son convints che il vin come duç i alcols a ruvinin il cernêli e a son i unics a no bevi nancje une gote.
In Friûl, dulà ch'a si cjante da un secul vive il vin e vive l'amôr e tornin bevi di chel vin ch'al é tant bon, o vin trê dizionaris difarents sù le lenghe o no vin nissun dizionari sui vins furlans.
Po ben al sarès ore di fâlu. par meti drenti dut chel che pal Friûl al si sà sul vin.
Semai us cjape chê di scrivi un libri, parcé no fâ chel? O seno, o podês ancje fâ il viticoltôr e figurâ tal libri.
A Rosaz, in fat, a son daûr a fâ une ofiarte a di chei ch'a vuelin coltivâ le vigne...
Come des bandis des 5 terre, o podês vê une fete di vigne ch'o podês tirâ sù par fâ il vuestri vin. Ansit, o scuignîs firmâ un contrat ch'a us oblee a fâlu. Tes 5 terre, a son rivâs fintramai i gjaponês. Sperin che da nô a no nus rivin i ungjarês e nus puartin vie ancje chel ch'al nus reste.
Cumó ch'a puedin vantâsi di vê l'uniche regjon ch'a si clame Tocai a fâ il Tocai e an vindût un Tocai a 700€ le butilie. A puedaressin dî, che bielzà tal cjacarâ o vin l'acent ungjarês cun le CJ e la GJ e che il Friûl al é simpri stât austro ungaric e che so no savin vendi une butilie a 700€ chiste aé le prove ch'o no sin boins di fâ nuie e ch'al é miôr s'a lu fasin lôr:-)

Nessun commento: