I miei Video clips furlans

Loading...

8 gen 2008

La veretât sù le Mone


Dopo la mê scjampade parigjine di íar, o scuignivi dî che se le Mone dal Leonart no é ni le Gjoconde, cussí clamade parcé che cualchidun al a cjatât che in chei agns a Firenze a in d'ere un scior ch'al si clamave Di Giocondo, ni nancje le Mone Lise, cussí clamade parcé che a sarès le fie di 21 ains di une famee di viticoltôrs amîe dal Leonart e nancje le mâri di Leonardo ma semplicementi il ritrat di Leonart lui stès di cuant ch'al ere zovin. Da Zovin tant ch'al imparave il mistîr dal Verrocchio al ere zà stât denunciât par sodomie e cuant ch'al é muart in France sot de protezion dal re, cui vevial dongje di lui? Un zovin ch'al veve cjapât come student a l'etât di 10 agns cuant che lui al ere a Milan. Al é apont chest zovin (A nol impuarte il non) biel ancje lui come un agnul, ch'al a ereditât de piture e al é cussí ch'a si cjate in France zence vê bisugne di fâsi robâ da Napoleon come ch'al a fat par un frac des pituris e sculturis ch'a son al Louvre e che fasin il succès dal museo francês.Il Leo, biel come un agnul da zovin al ere cognossût come un vêr "Entertainer" ch'al saveve ancje sunâ la lire e cjantâ cun tune biele vôs che vuê forsit al si disarès di tenôr e al é ancje par chest ch'al é stât doprât pai Sforza a Milan e pal ré François primo in France par organizâ fiestis e aveniments.
Enfre dut ce ch'o savin di lui, al é stât scuviert recentementi che in te ultime cene di Milan, il zovin ae diestre di Gjesù, ch'al varès di sei San Zuant al somee plui a une femine che a un omp. Di lí a dî ch'al ere siguramenti il so biel asistent, i esperts a son unanimos. Ansit un grum di lôr a disin che il confident dal signôr a ere Marie Madelene che, tal codic da Vinci il scritôr al pretint ch'a ere le sô femine e ancje che an vût fruts. Altris a disin ch'a ere une putane che il signôr al veve cjapât cun se. In te glêsie, nus é simpri stade platade ma ae resurrezion, cui ise stade le prime a viodilu? Le Marie Madelene! Lis rôbis che il Leo al platave scrivint ancje al contrari al finive par dîlis istès, dome ch'o sin nô a no vêlis savudis lèi prime. Cuissà ancjemó ce ch'al nus riserve? Le musiche di Leonardo a somée ch'a vegni da un'âltri mont ma a ven juste da internet e no vevi timp di fâ une version personâl. Il morfing o lu ai otignût cun Adobe première che oramai al
mi siervirà par fâ un grum di âltris clips. Le idee a ere chê di mostrâ un'âltri pont di viste. So vês chê di esplorâ il personagjo dait ancje une cjalade tai clips dongje dal gno. Le informazion vuê a si và a cirîle di besôi. A nol covente Rai o radios.

2 commenti:

furlan ha detto...

Ma no tu jeris a piturâ lis vignis bande Cu♪1r in Friûl, cemût fâtu a jessi ancje a Paris, tu duarmis pôc e tu sês dapardut!

A mi mi plâs che altre robe, ma se a nasâ batacui al rivave a jessi Il "Leo" che o cognossin, bon par lui!

Jaio ha detto...

Ce ch'o fâs a nol é simpri ce ch'o inventi e ce ch'o inventi a nol é simpri ce ch'o fâs:-)