I miei Video clips furlans

Loading...

11 gen 2008

Le ûltime de setemane:-)

Il 13 di zenâr al é il prin dal ant pai rùs. Il Nedâl pai ortodós al ere il 7 de setemane passade. Dome che da lôr, dopo 70 agns di privazions religjôsis dutis lis scûsis a son buinis par fâ fieste.A scomencin a fâ fieste cul nestri Nedâl e un grum di lôr a finissin cul prin dal ant cinês che chest an al sarà il 7 di fevrâr.Pes fiestis, in Russie e an 10 dîs di vacancis.
Come che da lôr, par essi un omp al bisugne savê bevi e par essi une famine al bisugne savê vê un omp, dopo i dîs dîs, i uficis dai divorzios a son stracolms di copiis che finalmenti, dopo ains o mês ch'a no si cjacaravin forsit plui, a si si son dite dut ce ch'a vevin tignût platât fint lí e a si son decidûts di no rimandâ plui:-)
Duncje, par tignî lis fameis insiemit, i governos e varessin interès di no lassâ le int zence fâ nuje masse timp parcé che le noie, aé le mâri dai vizis. Dal rest, a si dîs che ancje i fruts, sa no si u ten ocupâts a scuele o a fâ sport o a fâ art, al é facil che deventin drogâts o voe di fâ nuie. Guai lassâiu zence fâ nuie:-)
Ma cui fasial fruts se bielzà ancje zence bevi e zence cavilâ lis copiis a doprin le pilule ancje cuant ch'a van a messe ogni dí?
Il 14 di lùi dal 1977, a New York al é sucedût che par dute une gnot a no in sedi plui eletricitât. Imagjinait ce casin s'al sucedès cumó. Nue internet, nue frigo, nue lûs, nue di nue. Veramenti nue? Dopo 9 mês, dutis lis maternitâts a erin straplenis e stracolmis.Trós trentenârs merecans sono nassûts a NY tal 1978? Al sarès interessant di savê tros di lôr ch'a son stâts concepîts tai ascensôrs blocâts, tes machinis blocadis ai passaçs a livel, tai metros, tai autobus, in ufizi cul coleghe o il capo di siervizi ma soredut, al sarès interessant di provocâ un black-out in Friûl par podé fâ montâ le demografie in tic e tacone tac:-)
Orpo, o soi incoregjibil eh?.
Se in Cjargne o in Furlanie une sere a saran zence la lûs us promet che no sarai jó a taiâ le curint ma, pai cinês, chest ant al é l'ant de pantiane... Jó no us dîs nuiâltri. Se un al cambie di idée pal eletrodot al puès dâsi ch'al vedi rason:-) Mandi

Psst: O ai pierdût dut ce ch'o eri daûr a cjariâ sù youtube a cause di une pane di curint. O scuen riscomençâ dut. Ma no paiais nuie par spietâ. O rivi.

5 commenti:

Christian Romanini ha detto...

L'an de Pantiane!? :-O

Rainwoman ha detto...

Esat!

ILfurlanist ha detto...

l'an de surîs!

Luche ha detto...

E ce âstu cumbinât tant de pane de curint? Vino di spietâsi un furlanut viers setembar? ;-P
Mandi!
P.S.: ti sono rivadis lis mês mails?

Jaio ha detto...

Luche, o cji ai rispuindût il gno OK un mês fa:-)