I miei Video clips furlans

Loading...

11 gen 2008

Ogni paîs le sô borse

Cuissà parcé, il puest indulà ch'a si specule cui bêz a si clame le borse? Dutcâs, plui le borse a é grande e plui o savin che i afârs a son impuartants. Le plui grande a é simpri stade chê di Londre e ancjemó vuê il termometro dai prêsits di un grum di materîs primis al si cjate sot dai inglês ancje se i merecans a fasin lâ sù o jù i prêsits e che i cinês a sperin prest di cjapâ il lôr puest.
E nô? Chê di Milan, come chê di Düsseldorf a somee ch'a sedin bielzà sot control inglês. Chês âltris, a no an masse impuartance ancje se i francês a cirin di tignî dûr as lôr balis:-)
O podarèssin fâ alc dome di nestri ancje nô ma vino avonde cojons par meti dentri alc di serio in te borsute?
Cuissà, forsit cui sussidis ricevûts o metin sù une borse ancje nô. Po magari dopo o larin juste là par zujâ ae more:-)
Achi in te foto o vês le borse di Bruxelles in tecnicolor. Par Nedâl, ducj i monuments de sitâts a erin iluminâts di projezions coloradis e le int a lave a fâ une spasegjade par viodiu. Cussí al fâs lâ il comercio e par fuarce ancje lis tassis e ducj e guadagnin. I basoreliêfs di Rodin che achi a son sfumâts vie cun lis lûs a son visibils dome di dí.Bondí:-)
Psst: sa si frache sù le foto a si ingrandís:-)
Re-psst: O rivi prest cul rest:-)

2 commenti:

ILfurlanist ha detto...

La mê borse e je tant grande ch'e sdrondene di ogni bande

Jaio ha detto...

O le borse o le vite:-)