I miei Video clips furlans

Loading...

17 gen 2008

Polentadis


Che âltre setemane o cjacaravi de plui grande polentade dal mont fate in val dal Ostie-ancje-lôr-ch'a-le an-fate-prime-di-nô.
Une polentade, aé simpri miôr cuant ch'a si é in compagnie. Nuie di plui lancurôs che bevi un tai o fâ le polente dome par sè. Alore o invidi simpri cualchidun par dividi e le polente e il plasê.
Mai fat polente e osei. Al massim o ai condividût cualchi fruçon di polente cui ucei ch'a vegnin ogni dí a viodi sù le terace ce ch'o vin fat da marinde ma o ai zà fat polentis cun dut ce ch'al mi capitave das mês bandis. Le luanie nostrane cualchi vôlte o le cjati ma plui facilmenti o cjati le luanie francês ch'aé tant grasse, ma tant di chê grasse che le polente a mi somee simpri masse sute. Pal prin dal ant rùs, o eri invidât a fâ le polente da une copie di mongui che si erin ocupâts dal companatic sbrovant in padjele lis fetis dune luaniote di scuâsi 10 centimetros di diametro ch'a vevin comprât in Bielorussie. .Insome dut ben, grazie.
O vevi cun me il cjalderin di ram ch'a mi a regalât mê sûr ch'a sta tal Piemont dal Barolo... Ch'a nol a nue di viodi cul nestri borôli e al si clame paiolo... Ch'a nol nue di viodi cul nestri puiûl ma nancje cui nestris cjalderins...Joii ce rimis ch'a mi vegnin simpri fûr!
Il ram, al é di sigûr biel da viodi e o ai fat biele figure. Po o savin ch'al é ancje un bon condutôr di calôr e duncje le polente a é buine ancje lí. Po ben, no é propit triste. Ma...A indé un ma.
Le copie di mongui, scienziâts in biologjie a mi an fat rimarcâ che le polente restade, dopo dôs trê oris a ere deventade dute vert torator. Il ram, cun le âghe al si oside e al prodûs il vert di ram che, sa si lu lasse osidâ al devente vert come un monument a Garibaldi.
Osco can. Ce erial sucedût? Par fâ plui svuelt, o vevi comprât di chê farine precuete e a si ere cuete cussí a le svuelte ch'a no in d'ere nancje le croste. Se le polente a no fâs le croste, al sarés miôr di mangjâ dome chê ch'a si cjate tal mieç ma cuâl îse chê tal mieç se par fâ une buine polente al bisugne tignî massedât?
Po ben, cul vin spagnûl puartât da une copie messicane e la lôr Aguardiente mascedade a la vodka e ae sgnape o vin vût avonde par disinfetâ il stomi tal câs che il vert dal ram al sedi nocîf e nissun al a butât fûr.
Ma fin cumó, chest djaul di paiolo,al mi veve simpri tirât a siment. Al veve un braç cul mescul eletric ch'al si fissave cun pene sul bort de pignate, alore o vevi cambiât le vît cun tune plui pratiche. Daspó, une vôlte che le farine a ere poiade jù sù l'âghe mascedant par no fâ grums, al bastave meti sù il motorin, inescâ il mescul e, le polente a si massedave par 40 minûts di besole. Di besôle? Po ben, se le polente a deventave masse dure alore il motorin a nol rivave plui a girâ e dopo trê polentis, il motorin a nol lave plui. Naturalmenti da bon secje scjatulis o ai fat il gnôgno e o soi lât a domandâ al fabricant un motôr di ricambio e lui da bon talian al no mi a rispuindût.

3 commenti:

Anonimo ha detto...

mhm...che profumino!
polenta!
il mio piatto preferito!
con dentro tanto formaggio filante...
però a girarla a mano viene meglio!

Ciao Jaio, buona giornata
Chapucer

Jaio ha detto...

Chapucer, a tu âs dut capît zence lèi:-)

Anonimo ha detto...

:-))
;-)
C.