I miei Video clips furlans

Loading...

15 gen 2008

Rompeitle !!!

Oramai, le nestre informazion a si le fâs sù misure. I nestris pâris a si erin abituâts a plantâsi devant de scjatule parlant che, cuant ch'a si é vistude di fieste cul video a colôrs, o vin crodût di sei privilegjâts, di sei plui siórs e jù sul divan fint a une di gnot par pôre di no viodi dut, di no sintî ben, o di pierdi alc dal blù dal cîl che in te TV al someave plui vêr che il vêr di fûr dal balcon..
Pôc a pôc o si sin stacâts par no lâ a mangjâ devant di jê che as oris dai nestris programs, ma ancje lí, al si scuignive contâ cun le publicitât e cun tune scorte di porcarîs da mangjuçâ e bevi spietant simpri di plui che i programs sa no erin ce ch'a si spietave, forsit, in te ore dopo o le setemane dopo al si sarès ameliorât.
Invesit nuie. Alore o vin tacât a regjistrâ i programs e cussí, in cas ch'a no fossin stâts boins avonde a si podeve butâ vie ce ch'al nol coventave. Cul lâ dal timp, internet al deventave simpri plui impuartant e fnalmenti, lis ûltimis videocasetis regjistradis o no lis vin ancjemó no viodudis e di sigûr no lis viodarin plui.
. Une rôbe ch'o cirin su internet o le cjatin prime ch'a rivi in te bocje dal sbergheladôr dal telegjornâl. O alore, vino di lâ a viodi duç i telegjornâi par viodi sa concordin? Lis novitâts dai gjornâi e telegjornâi a vegni dutis des stessis agjenziis. Il rest, a son dome storiutis di gjats spierdûts o di cjans sfracheâts e a si sta miôr zenze. Nue cuotidians. O alore dome sù internet e di sigûr nó chei ch'a volaressin fânus paiâ ancje chel come ch'a sucêt spes in Italie.
Oramai, le informazion sul Friûl a si cjate di plui in Americhe che no sui medias nostrans.
Baste lâ sù You tube o sù Google. Fâ ancje une TV suplementâr par furlan? S'al é par sintî informazions une setemane dopo di chei âltris a nol sarès nue atraént...Ma al sucedarà forsit doman che par vie di une compensazion politiche o une relazion sesualmenti corete ma politicamenti oportune o varin une tv furlane ch'a fasarà ancjemó piês che chê taliane che, viodude di achi, a é la piês dal mont e viodude di là a é la piês ch'a puedi rivânus.
Oramai, o ben un gjornalist al fâs scandui par tirâ le atenzion sù di lui o al fâs pene fasint le leture dai gjiornâi concurints par viodi ce ch'al puès contânus che chei âltris a no lu an dite prime o dite avonde. Naturalmenti, ancje sù internet o pierdin timp a frequentâ sitos ch'a no valin le pene ma cun le abitudin, al baste spès une nulide, par savê cui ch'a nol merete nancje un clic.

4 commenti:

Ivano Franco Comelli ha detto...

Hey Jaio!! Love reading your 'Furlan' although I can only understand half of it. When my parents were alive, they spoke Furlan in the home. My brother and I became quite proficiant in understanding it, however we never learned how to write it. I have a Furlan Friend that tells me that he always does his business in Italian, however, when it comes to love making, he does it in 'Furlan". Keep up the good work. Someone has to keep the language from dying out, so that someone will understand my Friend when making love. ivano

Jaio ha detto...

In any case, furlans are better when they are not only that. If I have to be the last one to keep the language from dying out just to understand your friend I will do it with pleasure but love is the best we can do without speaking but we can sing a song before and after:-)

Anonimo ha detto...

ciao Jaio, io non riesco più a guardare la televisione ultimamente, soprattutto i telegiornali, provo un senso di ripulsa per le immagini spesso - troppo spesso - violente che essi ci mostrano...

Chapucer

Jaio ha detto...

Con tutte le cose che di sicuro hai ancora da scrivere, sarebbe un peccato di stracciare il tempo davanti alla TV.
Ciao, ci sentiamo