I miei Video clips furlans

Loading...

20 gen 2008

Vittorio Cadel.L'artist e l'omp.




Cumó che l'Europe aé unide, no varin masse riscjos di fânus invadi da chei sacrabolts di todescs come che a simpri fat tal passât. Sperin ch'a duri.
Cuant che un paîs al a da difindisi, al cjape dutis lis fuarcis ch'al à
e al mande in vuere ancje chei ch'al sarès miôr di preservâ pal paîs.
Vitorin Cadel al ere un di chei e cuant ch'a i é tocjât a lui ancje s'al veve le trentine sunade, al a juste volût sei te aviazion di ricognossince.
Ogni dí, da bon aviatôr al lave sù armât dome dai soi vôi di pitôr par cjapâ une foto e po al tornave jù par fâ il ritrat de situazion al so comandant. Ogni vôlte ch'al passave tal cîl a lu cjapavin di mire chei d'abàs e al rivave simpri a schivâ i tîrs fin che une dí, di sigûr avonde strac, sul cîl ch'al va dal Friûl ae Grece a nol é rivât a schivâ i tîrs di chei doi caccias ch'a lu vevin cjapât di mire. Lui ch'al zuiave cui pinei come un spadacin, al varès podût faur il ritrat cun le mitragliatrice ma a nol veve âltri che dôs svualis sbusadis e al si é fat freâ dal stupit colp di grilet di un mone che s'al varès savût cui ch'al copave, da bon todesc, o da bon serbo, cui saial ancjemó, a lu varès ricopât dôs vôltis di plui par dî di vê fat un lavôr di vandal pulît. Po ben, oramai, o vin ancje furlans ch'a son deventâts todescs e forsit ancje cualchi slâf ch'al é deventât furlan, ma nissun di lôr, o crôt, a nol sarà come il Cadel.
A 15 agns, al é rivât a imponi a so famê ch'al veve di continuâ a studiâ e dopo doi agns a scuele arti e mestieri di Udin al é rivât a 17 agns a iscrivisi ae academie di Vignêsie . A 21 al ere zà professor di disegn a Modena e dopo doi agns di nae a Torin, tant ch'al continuave a piturâ, al insegnave in tune scuele tecniche fin che une dí al sedi clamât di gnûf a fâ il militâr cun le entrade in vuere da l'Italie.
Un ant dopo, in te batae di Gurizie al riceveve une medae al valôr militâr cussí motivade: Osservatore d'aeroplano, dimostró calma e ardire in varie ricognizioni riportando utili informazioni, volando con l'aereo disarmato, osservando con cura i tiri delle nostre batterie e ció benché avesse avuto più volte l'apparecchio colpito e fosse attaccato dai velivoli nemici. Cun dutis lis medais ch'al veve zà ricevût a Vignêsie, a Firenze e a Rome pas sôs virtûts d'artist, a no si sà se cheste medae a i faseve o no plui plasê, dutcâs l'ant dopo, a in d'é stade dade un'âltre pressoché compagne ma ch'a mi fâs ironizâ parcé che a ere motivade cussí: Osservatore d'aeroplano, seguiva numerose ricognizioni, dando prova di singolare ardimento. Durante un'osservazione di tiro eseguita tra violente raffiche dell'artiglieria nemica e attaccato da due apparecchi di caccia nemici, impegnava un violento combattimento, finché, colpito a morte, precipitava al suolo. Macedonia serba, 29 aprile 1917. Il fat al é ch'al ere partît di buinore par lâ in Grece, e ch'al é stât atacât pe strade forsit zence nancje ch'al savès da cui, e le medae aé une tipiche medae di consolazion fate pai parints.
Nue da dî su chest premi di consolazion ma il fat di scrivi ch'al si é batût cun tun aereo disarmât chest al mi fâs cagâ. Chê vuere, a no varès vût di rivâ e o savin ch'a é stade nêre par un grum dai nestris vons massime a cause de incompetence dai gjenerâi ch'a ju an mandâts in vuere come sa vessin vût di mandâju a fâ une partide di balon.
Te stesse vuere, La poetesse Achmatova russe a scriveve: In tune ore o vin invecjât di cent agns. Ma il Cadel a nol a vût il timp di scrivi di plui di ce ch'al a scrit cun le pene o cul pinel e nol à vût timp di invecjâ di une dí di plui. Forsit par chel a nol é cognossût come la Achmatova. Come jê, al varès podût continuâ a fâ poesiis sentimentâls, lâ a Parigji e incuintrâ Modigliani e sei al dí di vuê il nestri plui grant non furlan. Invesit nue, cent agns dopo, o scuâsi, il Cadel al a simpri 33 agns. Come un crist. O crôt ch'a cheste etât sa no tu cji sês fat une posizion o sù le crôs o sù le tiere a no tu cje fâs plui e lui s'a ere zà biel fate, dome ch'a i an robât prime 4 agns cun le nae e dopo il rest de sô vite.
Alore resuscitinlu.
Dal post precedent, il furlanist al a pensât di dâ une sburtade par fâ cognossi chest artist furlan scuâsi dismenteât e lu ringrâzi pe intenzion. O soi dacuardi. Se vuâltris o savês o ben o vês alc di lui, faseitlu savê e meteitlu in mostre. O sai che tal cjisciel di Udin a in d'é 140 oparis dal Cadel e âltris un pôc semenadis pal Italie. O no capis ce ch'o spietin par gughelizâ chest furlan. L'unic libri, fueis di Lèria ch'al é stât publicât sul Cadel al é zà stât rifat une disine di vôltis dal 1926 in ca e s'al é scrit che le rirpoduzion ancje parziâl aé vietade, forsit par chel le fame dal Cadel aé simpri stade dome limitade a chest unic e piçul libri di 80 pagjinis. Al sarès ore che le regjon a declari che le opare dal Cadell e fâs partide dal patrimoni nazionâl furlan prime ch'a lu fasi l'Unesco. Une gnece dal Cadel , si disarès ch'a vueli continuâ a fâ brusâ le flame e le ai vidude invidade tai fogolârs furlans dal Canada. Ma o crôt che cualchidun al vedi di fâ un sito sù internet par fâlu cognossi di plui e se pal moment us zonti dome cualchi âltre riproduzion, a nol é dite ch'o mi fermarai achí.


Chest cuâdri intitulât il Rammendo al é chel che fin cumó al mi plâs di plui.Si viôt che al é stât piturât cun sveltece e sigurece tal menâ il pinel. Il Vecjio e il Zovint plui in âlt al é il progjet di une piture ch'a nol a mai finît. Il cjâf dal vecjo al si cjate tar un dai ritrats dal libri Fueis di Léria. Al cjisciel di Udin o ai let ch'a in d'é ancje paesagjos ma jo no ju ai cjatâts ni al cjistiel ni al museu di art moderne. Al sarès ben se cualchidun al fasès un libri cui soi disegns e lis sôs pituris (Ator dai 150 tocs).


1 commento:

Anonimo ha detto...

Belissimo post Jaio,
ora vado a fare una passeggiata sul lago...
Buona domenica!
Chapucer