I miei Video clips furlans

Loading...

26 gen 2009

Mussolini, Pasolini, Bartolini


Dopo vê tirât fûr Vittorio Cadel o varès crodût di fâ cognossince di un frac di furlans interessats ae art

ma invesit, ducj chei ch'a vegnin a lèi su Cadel, come par Pasolin a son ducj forescj. Fintramai dal estero!

Ch'al sedi parcé che si lu scrîf par furlan, che i furlans a no s'interessin?

Duncje, par no dî che  Mussolin al ere stât istitutôr des bandis di Tumieç, o vevi alore tirât fûr Pasolin che s’al é stât istitutôr dome a Cjasarse e ch’al  jere plui mâgri dal  prin, par me al veve ancje plui pês.

E o lu vevi parfin mitût cun Jack Palance cuant ch'al lavorave tal film "Il Criminâl" scrit da Bartolin. Ma vino propit di fâ il mai doi cence trê?

Si, Fasinlu. Se chest blog al sarà ancjemó sul web jenfre cent agns, puès dâsi ch'al siervissi a cualchidun.

Cui îsal ch'al s'impense di  Elio Bartolini?

Scritôr, senarist, poete e regjist, al à scrit ancje senografiis jenfri i cuâi, doi dai plui biei films di Michelagnul Antonioni: Il Grido e l'Avventura.  Al é muart  tal 2006. Forsit al jere convint che cun lui al murive ancje il Friûl. Baste lei ce ch'al a scrit in furlan e in talian.No sai cemût che i soi manoscrits a si cjatin in te universitât di Pavie (No, le universitât di Udin a no si cjate a Pavie di Udin...) Ma alc su di lui si lu cjatarês achi

E po une cerce : 

Gleseutis

Gleseutis sparniçadis di lunc dal tiliment

cun chel vuestri cjampanilut

e un san cristoful cul frut

in spâle. L'ajar a us bat

 e le ploe a us disfe

fin te lische

dal madón.

Dentri i no vês plui bancs ne cjandelîrs,

 robâts ancje chei,

 pipinots di piêre in procession tor dal altâr,

 restade in sacristie la lapide

 in vastatione Turcarum

e chê di vuê a é piês.

Elio Bartolini

Stiamo dimenticando Elio Bartolini.

Lo scrittore, il sceneggiatore, il regista e il poeta friulano nato nel 1922 e sparito nel 2006 portando con se una parte del friuli. Lo sapevate  che già negli anni 60 lavorava con Michelangelo Antonioni? Il Grido, l'Avventura, sono film nei quali ha partecipato scrivendo lo scenario.L'avevo già nominato un anno fa quando avevo messo Pasolini insieme a Jack Palance per via del film Il criminale scritto da lui anche quello.

Scopritelo o riscopritelo partendo dal suo sito.


Nessun commento: