I miei Video clips furlans

Loading...

05 mar 2009

Tina Modotti eroine furlane

O sin partîts ducj e doi ae stesse etât ma jê a no jere mai tornade in Friûl. Ancje se vuê jê a varès vût 112 agns o scomèt ch'a varès vût il so blog in furlan parcé che da fotografe a varès vût un grum da mostrâ e da femine ancjemó plui da dî. Vuâltris, curiôs o i varessis domandât discretamenti ce ch'a pensave di Bertinot cuant ch'al à dite: Il comunismo é fallito? Lo reinventeremo!
Altris a i varessin domandâ di contâ  cemût ch'a ere finide a Moscje al timp di Stalin par po deventâ  une spie, une agent segrete pal Cremlin. Jó o i varès domandât  alc di plui su le prime part de so vite ch'a mi fassine di plui. 
Cuant ch'a ere biele come une madone e brave come nissun e ch'a veve decidût di lassâ le so cariêre zà ben scomençade di atrice a Hollywood par passâ di chê altre bande dal obietîf. 
A mi varès contât cemût che une sere a veve presentât Diego Rivera a Frida Kahló e cemût ch'a saressin deventâts omp e femine prime di deventâ famôs in dut il mont pe lôr piture. Forsit a si varès savût ancje cui ch'al à veramenti organizât l'assasini di Trotzky a Messico. No erial chel âltri furlan Vitali? Ma a mi a mi sarès dome interessât cemût ch'a ere rivade a sei le fondatrice dal moviment artistic avanguardist messican prime di virevoltâ definitivamentri in te politiche in chel dí che il so murôs Julio Falla a i é muart tal braç assasinât da no si sà cui ma sot dai soi vôi tant ch'a lavin a spàs a bracèt pes stradis di Messico city. 
Ma a no si sà nancje cemût ch'a é muarte jê e andé pôc da dî. 
In chê vôlte a Moscjie a si usave  asasinâ ducj chei ch'a varessin podût deventâ masse popolârs o comprometents pal partît e soredut par Stalin. Un miedi al veve inventât une punture che une vôlte fate a faseve murî di mâl di cûr. Enfre i prins a murî cussí, "di un mâl naturâl", al é propit stât chel miedi stès e enfre âltris rús o ròs, ancje Tine Modot a é muarte in tun taxi di un colp tal cûr a cuarante cinc agns come ch'a une femine a no i sucêt mai di mai. 
Ma o savarês di plui di me so vês da fâi une pagjine in furlan su Vikipedie o no. Dutcâs a lu merete. A é bielzà in dutis lis lenghis fûr che par furlan.
 Ch'a vêti mâl sielzût di ce bande stâ, al é probabil ma ce ch'al mi displâs di plui al é che dut tun colp, e à lassât pierdi le sô art par dâsi ae politiche.
 Se te glêsie, furlane o catoliche ch'a sêti, a si use santificâ chei ch'a ispirin chei âltris pe lôr maniêre di fâ a varessin di santificâ ancje le Tine.Tant, cun chê manie di santificâ ch'andé cumó, a nol sarès mâl.
Dutcâs, jó lu ai fat ae mê maniêre e o lu fasarai ancjemó di plui da pitôr e da scultôr. Par une vôlte ch'o vin une eroine furlane, o vin di tignîle dacont. Us scomèt ch'a no à ancjemó finît di ispirâ âltris artiscj e ch'al sarà cussí  ancje pal siecul ch'al ven.
 Fintramai Mick Jagger al veve comprât i dirits de sô biografie par fâ un film cun Madonna ma a no si sà cui ch'al fasarà chel film ne cuant. O lu savarês so lais a cirî sul Web. Dutcâs, se le cjase indulà ch'a é nassude le Modot a no é stade ancjemó comprade dal comun in vie Prachiuso par fâ il so museu al ûl dome dî che nissun sindic al à vût avonde balis par pensâ in grant. E sí che il Comitât Tina Modotti al esist da un biel piès! 
Lu saveviso che Madonna e a comprât une foto origjinâl di Tina Modotti par 160.000$?
Le nestre Tine nazionâl a devente cussí le fotografe le plui cjare dal mont!

Sul zojel dal to cuarp indurmidît
A sponte ancjemó le pene e le aneme insanganade
Come sa tu podessis, sûr, tirâti sù e soridi parsôre il pantàn.
Pablo Neruda te poesie dedeade a Tina Modotti.

Links:


2 commenti:

Anonimo ha detto...

Perche non hai messo il testo in italiano? Tanto, i friulani sembrano indifferenti.

Jaio Furlanâr ha detto...

...Forse hanno paura di farsi passare per comunisti:-)