I miei Video clips furlans

Loading...

12 mag 2009

L'impostôr

Lis ûltimis sôs oparis a pêsin un Kg  parom. A son sacs di plastiche peâts cun tun spâli in te parêt. Sa tu âs voe di capî ce ch'al é l'art di vuê a tu âs di sbusâ il sac e po cjalâ il savalon colâ par tiare. 
-Atu capît? 
-No?
-O torni a scomençâ. 
Finalmentri a capissin ducj e a si metin ducj a sbusâi i sacs par no fâsi rompi lis balis. 
-Chiste a é art. 
-Art di convinci, al dîsarès chel...
-Art di savê cjapâ le int pal cûl, al dîsarès chel âltri.
-Po ben, art ancje chel.
-Il salon dal Contemporary Art al jere viert dôs setemanis. 
-Tal inprin, al veve domandât che  i spazíns a no nêtin il savalon ch'al reste par tiare ma il diretôr dal salon a i veve dite che cussí , il savalon al lave a finí dapardut e ch'a nol podeve tolerâ ch'al fasedi une concurince sleâl ai vissins e nol podeve fâ netâ ducj i pàs fats cul savalon ator de fiêre. 
-Scriveitlu ben. Dissal al gjornalist.
-Ma cuâl îsal l'obietîf de tô art?
-L'obietîf al é di produsi imagjinis par ativâ la ricezion spetoriâl e sveâ i sens dal spetatôr, solecitâ il so sens critico-artistic latent e sburtâlu a rindisi cont de so non-neutralitât de cuâl al é praticamenti saturât.  
-Ma ce vino di cjatâ di artistic in tun sac di savalon?
-Percepî, al significhe sostrâ dal sac ce ch'al cj'interesse e fasint cussí, ricognossi ce ch'al cji é util.
Progjets pal futûr?
-Si, un grant  progjet susidiât pe regjon che cun l'ajût de universitât ai varès di cjapâ un ant di lavôr ma al spere jessi pront pal ant ch'al ven. 
-Ancjemó alc cul savalon?
-No, piês, imagjinis virtuâls fatis col ordenadôr dai students de universitât e deformadis cun le proiezion  in tune mieze sfere di trê metros ma, sito, no puès dî nujâltri.
-Pôre de concurince?
-Eh al dí di vuê a si à di stâ atents.
-Ma ao di scrivilu o no scrivilu?
-Scriveitlu!
Cualchi setemane dopo tal capanon di un antiquari, l'artist al ven par negoziâ il prêsit di sfere di trê metros e al si sfree bielzà lis mans cul pinsîr. Al bastarà taiâle in doi e al varà dôs emisferis invesit di une.
-Trop costie? -No, spiete, no sta a dîmilu subite, a tu âs di fâmi un prêsit. No sino artiscj ducj e doi? Jenfri artiscj a si scuen udâsi. Fâmi un biel prêsit.
- Po ben, par te, parce ch'a tu sês un artist o cji fâs un prêsit speciâl, ma veramenti speciâl, eh?
E a i conte il dopli.
No sara lui ch'al sponsorizarà i impostôrs.

2 commenti:

anemone viola ha detto...

Però, simpri mjor mi par!!! Bune sornade!

Anonimo ha detto...

bene, era ora!
bentornato:-)
mandi
Capucine