I miei Video clips furlans

Loading...

24 lug 2009

Le blave, il labirint e le madone di Mortean

Cui no cognossial le fame de blave di Mortean? Cui no cognossial le blave doc ch'a siervís par fâ le miôr farine di polente ch'a sedi sul marcjât? Va ben, o disarês che aromai, ducj i purcits, lis vacjis, lis piôris e i poleçs dal mont a son nudrîts di blave e ch'o no volês fâ ni cocodês, ni bês, par no someâ masse a un prossùt ambulant.
Nó, no stait a dî nuje, o vês reson, al é simpi miôr tasê par nuje che cjacarâ di bant ma, cognosseviso il labirint di blave di Mortean? 
L'idee tirade fûr dîs agns indaûr par promovi le blave, a grope il comun e i agricoltôrs e a tire ogni ant sui 30 mil turiscj  di ogni etât e a fâs lavorâ une cincuantine di personis dute l'istât.
Le idee, a jere nassude tal cjâf di un agricoltôr locâl ch'al si diviertive da agns a scrivi messagjos tal so cjamp pai passegjirs dai avions ch'a passin par aí par vie dal aeropuart di Ronchi dei Legionari.
Al bastave dome tajâ un labirint in tun cjamp di blave. Ma ce lavôr! Ce organisazion! 
Ogni ant, il labirint al é tajât in tune âltre maniêre e lis atrazions pai fruts e pai parints a son simpri difarentis.Lait a viodi i numars dai atôrs e dai saltinbancs ch'a lavorin lí 7 oris in dí ancje sot de ploe e siet dîs sù siet.
 Daspó, so no si sês pierdûts, tornant fûr, une disine di specialiscj in gastronomie locâl us fasin svintulâ il tacuin pal ajar fintramai che a sedi colât fûr l'ûltin centêsin.
Ma o sarês contents, no stait a vê pôre, e ancje lôr:-)
Pó cumó o savês cemût che Mortean, dal paîs plui cognossût dal Friûl pe so blave, al é deventât il paîs plui cognossût dal mont pal so labirint tajât te blave.
Ma no é finide: Chest an, cun 4 a 5 corieris di turiscj in dí, a si dîs bielzà che le blave di Mortean a tire plui int che le madone di Cjascjelmont. Biel pront, il plevan don Gjoldenzi, al pense di fâ sù une capele votive tal mieç dal labirint e forsit pal ant ch'al ven, daspó le blave di Mortean e il labirint di Mortean, o varin ancje le madone di Mortean! 
Il proprietari dal cjamp, un Bepi plui comunist e plui furlan che il Peppon di Guareschi al veve subite alçât le creste ma finalmentri al à finît par ameti che vendi osties al puedarès sei plui lucratîf che vendi blave. Un so concurint, pront a cjapâ le corse ae reunion de pro loco e de pro blave al si é esclamât invesit subite a alte vôs disint: Eh, lait sul osti so no fasin ancje chês al sarès pecjât mortâl! E forsit bielzà in Avost, i turiscj a puedaran cjatâ lis Ostiis di Mortean fatis di farine di blave doc! 
Imagjinait intant  i pelegrinagjos pal ant ch'al ven!
Imagjinait che le madone di Madjugorie a vegni ancje jê a fâ une aparizion privade e che invesit di gotis di sanc a si meti a vaii gotis di sorc...
Osco boe, imagjinait, imagjinait cê ch'o vês voe ma lâ a fâ il labirint disint il rosari o fâ il labirint cjaminant sui zenôi magari denantdaûr, chel, fantats, o no lu varessis mai imagjinât.Diseitlu!
Ma a son rôbis ch'a puedin sucedi ancje tai paîs plui docs e se di achi a l'an ch'al ven,  no le varês immo capide, chiste storie, vere di jar o vere di doman, disêit che vuê o us e ai contade jó:-)




A Mortegliano, per promuovere la polenta fatta con il granoturco locale, dopo i ristoranti e l'albergo Blave di Mortean (Mais di Mortegliano), si era pensato di intagliare un labirinto in un campo di mais. L'idea era uscita fuori dopo che un agricoltore locale ormai conosciuto nel mondo intero si era divertito a scrivere nel suo campo dei messaggi per i passeggeri del vicino aeroporto di Ronchi dei Legionari. Cosicché, dopo gli accordi tra il comune e gli agricoltori, la pro loco e la pro blave, da dieci anni, il labirinto é diventato un'attrazione turistica che attira più gente che la madonna di Castelmonte
La concorrenza tra le sagre e i pellegrinaggi estivi essendo spietata, il parroco di Mortegliano ha proposto ora di costruire una cappella votiva nel bel mezzo del labirinto e sebbene il proprietario del campo, un Bepi ancor più friulano e comunista che un Peppone guareschiano avesse alzato la cresta, ha finito per ammettere che, vendere ostie potrebbe essere molto più redditizio ancora che vendere mais e cosí il biglietto di entrata sarà portato a 10€ invece di 8! Ma già si sà che uno dei produttori di farina locali, presenterà delle false ostie fatte di farina di granoturco doc.
 Cosicché, dopo la polenta di Mortegliano e il Labirinto di Mortegliano, avremo anche la madonna di Mortegliano. Immaginate che nel bel mezzo della follia, la madonna di Madjugorie in visita privata si metta a piangere lacrime di mais...Immaginate quante corriere bisognerà ospitare in più delle 5 a sei corriere di turisti di oggi per non impedire i pellegrini che vorrebbero fare il labirinto recitando il rosario camminando in marcia indietro sui ginocchi?

8 commenti:

Anonimo ha detto...

miô nono a mi diseve "tu sôs une blave di Mortean", al voleve intindi che eri svee e pensi cal sedi stât un mot di dì comun. Duncje l'inzen no i mancje, a chei di Mortean.
DoneBete

Anonimo ha detto...

parto per le vacanze Jaio
ti mando un caro saluto
Carla

Jaio Furlanâr ha detto...

Viodêt che se no fracàis sui leàms o no podês capî le storie:-)

Jaio Furlanâr ha detto...

Se non aprite gli iperlinks nel testo, non saprete di cosa si tratta:-)

Neve ha detto...

Interessant, no la vevi mai sintude ma io i soi cjargnele e no fasi test!

Anonimo ha detto...

a bon, cumò che ai fracat sui leàms, mi soi pensade dal post di Christian vos zovine, cal rimande a facebook par doventà fan dal "Lidric cu lis fricis"
DoneBete

Anemone Viola ha detto...

Chiste no la savevi!

Jaio Furlanâr ha detto...

Achi le idee a jere di mostrâ cê ch'a si puedarès fâ par slargjâ le fame di Mortean cjapant une idee ch'a esist in tun paisut de Belgjiche da dîs agns e che à é stade esportade in Canada e Svizare cun sucès. S'a é fiction, al é pecjât che nissun al si giri par metile in moto propit a Mortean indulà ch'al sarès il plui biel puest dal mont par ches gjenar di publicitât.