I miei Video clips furlans

Loading...

21 dic 2009

Il confesionâl

Dal paruchir al jere plen di int. Al si domandave cemût che in tune vile come Monfalcon a misdí di une joibe cualsiasei, al podeve sei cussí plen. So sûr a i veve domandât di puartâle lí parcé che lí il paruchîr al veve un grum di stîl e a veve di lâ a un matrimoni le sere.Il maestri paruchîr ch'al zirave da une paruchiêre a chê âltre
par coregi une plee o taiâ un ciuf, cun chê arie di signorine e 'l so cjacarâ venezian a lu disturbave. A i dave masse tal vôli.
Ch'al sedi stât gay, a lu savevin dutis chês che sentadis li ator a si fasevin masagjâ, petenâ, lavâ, sujâ, slaparotâ, palpâ, lecâ e ancje chês ch'a spietavin il lôr turno par fâsi mateâ.
-Cjale ce estro ch'al à il maestri vé. A i cisicave sô sûr in te vorêle. Il paruchîr, come un maestri al piano,al faseve lâ lis fuarfis cun tune man tant che cun chê âltre al cjapave cul pietint i cjavei da tajâ.
Ma lui invesit al cjalave che biele assistent ch'a someave ch'a fós crote sot dal grumâl. Ce biele ch'a jere. Alore, par no cjapâsi un'âltri colp di comedon da sô sûr parcé ch'al cjalave masse, al si jere jevât par lâ fûr a fâ un gir e al jere tornât dome une ore dopo juste al moment che so sûr a finive di fâsi petenâ.
Tant ch'a spietave al veve acetât il café che propit chê assistent a i veve puartât e dopo vê fat un compliment al paruchîr par no fâlu ae assistente al veve paiât i 50 euros. Il paruchîr, par saludâ, prime al veve bussât sô sûr e po, di sorprêse a lu veve bussât ancje lui come s'al fos stât il so plui grant amîc. Dio...Îsal pusibil? Ce schifo, al pensà.
Il paruchir ch'al veve viodût dut, a i veve regalât une ombrene parcé che di fûr al ploveve e po par no mostrâ ch'al veve intenzions platadis, a i veve dite che s'al veve chê di viodi le sô assistent, a nol podeve che cjatâsi su le strade che faseve le sere par tornâ al convent. Convent? Si a jere une zovine ch'a voleve fâ le muinie ma al podeve simpri tentâ di fâi gambiâ idee, ansit, a lu incoragjave a fâlu che cussí a sarès restade cun lui parcé ch'a lavorave benon.
Dio...Îsal pussibil? Si, le sere, da no crodi, come ch'a i veve spiegât, jê a lave in glêsie a preâ prime di tornâ e in che ore, le glêsie a jere vueite. Vueite? Le prospetive di fâ un tâl sacrilegjo a i uçave le voe. Chiste po, a no se spietave. Jê invesit, a someave come ch'a lu spietàs e a si jere tirade vie te ombrene di un confesionâl come par mostrâ ch'a jere dacuardi. E vie lui dret sot de cotule. Ma cê crodevial di fâ?
Jê a no podeve. A veve di restâ vergjine.
Ma a capive... E a si jere girade tirant sù le cotule.Al veve reson, si. Sot a jere crote.
Dio...îsal pusibil?Eh ma ce cûl!
E cuant che ae ûltime sdarnade al à viert i vôi, al à viodût une peruche bionde par tiare e il paruchîr ch'a i faseve le bocje da ridi tirantsi sù content. Dio...Ce schifo, ce freade!
Tal indoman, il nonçul, tant ch'al judave il plevan a disviestîsi pe messe al si lamentave che un cjocheton al veve ancjemó stât a butâ fûr tal confesionâl.

Nessun commento: