I miei Video clips furlans

Loading...

22 feb 2010

Rimis pe canae / Rime per bambini



Il Barbe In Americhe
O ai un barbe in Americhe
Ma mi an dite: Lui no lu sà
Bisugnarès ch'o i scrivi che
al à un nevôt aca
E cussí me cusine
A mi mandarà ben
Un mandi in cjartuline
E jó o sarai content
Coro: E cussí to cusine
A ti mandarà ben
Un mandi in cjartuline
E tu sarâs content

Jó o ai gno cusin ch'al é argjentin
E forsit ancje un cordovan
A mi an dite ch'al é braurin
A fevelâ furlan
Alore jó o ai d'imparâ
A cjacarâ spagnûl
E cussí o larai alà
E lui achi in Friûl
Coro: Si che tu varès d'imparâ
A cjacarâ ben il spagnûl
E tant che tu sarâs alà
Al vegnarà in Friûl

Jó o ai ne agne in Messico
Maridade cun tun aztec
Si voi alà al mi à dite ch'o
I ai di puartâ un muset
E biecemai un valizot
Di rôbe di achi
E di no fâ il dismenteot
Se no mi plâs a mi
Coro: E puartii vie un valizot
Di rôbe di achi
E no sta fâ 'l dismenteot
Cemût ch'a cji plâs a ti

Jó ai un barbe no sai indulà
A mi lu à dite me nône
Che se jó o prei le madone
Je...A s'impensarà
Ch'al sêti chel ch'al é partît
Par no lâ sot de nâe?
Jó no sai ce che Naje al ûl dî
E nancje indulà ch'al é
Coro:E s'al fos chel ch'al è partît
Tu no tu sâs ce che naie al ûl dî
E nancje dulà ch'al é.

Il gno barbe di Gnove York
Ami an dite di lâ a cjatâ
Ma alà al é dur un ingorc
E jó no ai voe di lâ
E po 'l barbe in Americhe
Lu ai cjatât achi
E al mi baste di disi che
Lui al mi plâs a mi
Coro: Ma sí che le Americhe
par te a jé achi
No tu âs bisugne di disi che
Ti plâs miôr stâ achi


Jaio Furlanâr

Nessun commento: