I miei Video clips furlans

Loading...

17 apr 2010

Rimis pai fruts / Rime per bambini

UN DOI TRÊ OP

Al mi plasarès di lâ sù in tun mont
Par lâ a viodi ce che si viôt là sù
E par savê se di bessôl o soi pront
di tornâ jù
Al mi plasarès di savê schiâ
Ma cui schiis o no sai stâ in pins
E no sai ce fâ par no sfigurâ
Sui gazetins
Ma une dí o sai che o savarai
Ai dome di savê ce talent chi ai
O ai di fâ di dut ce che a si pues
E po di cjatâ fûr là che al é il gno puest
Mi à dite la mê none
Che se je doi sot
Al baste di fâ dome
un doi trê op

Al mi plasarès di sei un campion
Ma no sai di ce che o pues sperâ
O sai dome che la me ambizion
a é di rivâ
Al mi plasarès di fâ il bravon
Ma di plui no pues che di stabilî
Che no rivi simpri a jessi bon
di fâ cussí
Ma une dí o sai che o savarai
Ai dome di savê ce talent chi ai
O ai di fâ di dut ce che a si pues
E po di cjatâ fûr là che al é il gno puest
Mi à dite la mê none
Che se je doi sot
Al baste di fâ dome
un doi trê op

O ai di savê ce che a si pues fâ
Par rivâ a jessi plui cuiet
E biacemai ae mestre dimostrâ
il gno rispiet
Nol é che mi plasi di savê trop
Ma  mi plasarès di ben capî
Se par une brame al baste dî
Un doi trê op
Ma une dí o sai che o savarai
Ai dome di savê ce talent chi ai
O ai di fâ di dut ce che a si pues
E di cjatâ dulà che al é il gno puest
Mi à dite la mê  none
Che se je doi sot
Al baste di fâ dome
un doi trê op !

Di Jaio Furlanâr

Nessun commento: