I miei Video clips furlans

Loading...

20 apr 2010

Rimis pai fruts / Rime per bambini

La place
La place dulà che lis oris
A passin miôr che tal orloi
Lis puartis si vierzin bessolis
Par chel ch'al s'int ven o s'int và
Si tache bielzà di buinore
Cul batibui e cul biloi
Des cassis che zuin de more
E si scjaldin cence fermâ

Là isal il piçul empori
Ch'al jere li dongje di nô
Nissun i à dât un jutori
E al à scugnût sierât da pôc

Le place dulà ch'a si sdrume
Le int e vîf des vot as vot
Ancje se cul cjâf in te brume
O par comprâ dom' un biscot
Si va par comprâ une robe
E  si ind à dôs cuant ch'a si jes
Cussí almancul no si robe
Ma tu âs 'ne robe in ecès.

Là isal il piçul empori
Che a none a i plaseve tant?
A nol coventave tant cori
E dutis chês robis di bant

La place le plui visitade
No je plui tal mieç de citât
A é dongje 'ne superstrade
Pierdude tal mieç di un prât

Ma cuant ch'o voi in Cjargne
Par me je 'ne robone
Si stoi là di me agne o me none
Lassù no ai bisugne
Di dut chel batibui
Mi baste le montagne, e nuie di plui

Le place dulà ch'o mi cjati
plui ben che in tun paradîs
No je grande e no je gratis
Ma je tal gno piçul paîs
Di Jaio Furlanâr

Nessun commento: