I miei Video clips furlans

Loading...

01 mag 2010

Rimis pe mularie / Rime per bambini

Le canae al dí di vuê, in mancjance di alcâltri tes televisions e sta deventant ciniche e frêde come un Goldorak.
E sí che o sin in timp di pâs, cuissà ce che al sarès se si fos in timp di vuere.Forsit a tornarès fûr alc di plui romantic o sentimentâl. Cuissà? Sperin, no in tune vuere ma in tun gambiament de societât.
Intant o zonti immó cualchi rime. Alc da meti in musiche come simpri. O soi de opinion de femine di Bossi che a dîs che le lenghe a jentre miôr se si zonte le musiche e il ritm. Le musiche a é daûr a vignî fûr. Intant us met lis peraulis.

Il mâl di Udin

L'Udin che nus fâs da pari
S'o pierdin la lenghe mari
Nol e scrit in nissun mûr
Ni denant ni par daûr

Udin gnûf o Udin vecjo
A tu sês simpri il solit Udin
Sta cidin che jo stoi mucjo
No stin pierdi chê abitudin

No ti dîs che no ti ami
Udin gno, no, no ti odi
Sâstu che, se no tu vincis,
No tu pierdis ma a tu pareis?

Par me al é cussí
O ai di crodi in te
Ma tu sintimi
Ti dîs ce che al é
Se tu no tu sâs
O ben a tu tâs
Ce pretindistu
Ce volaressistu
Chi fasi jo
O Udin ?

Dimal tu se tu sâs come
Se o ven lí, soi simpri di presse
Cul to agnul o stoi dome
Pe partide o une messe

Dimal tu, che dal Friûl
Tu âs chê di sei la sô vetrine
Parcè a mi, a mi mi dûl
Chê tô fevele triestine?

Si si amial par manie
par amôr o par no fâ vuere?
O ben par no fâ vaî
I nestris vons che son sot tiere?
Udin disimal
Tu lu sâs benon
Ce che nd'é di mâl
Ce che nd'é di bon
Udin judimi
Cun cheste cjançon
Che mi fasi passâ
Il gno mâl di pensâ
Il gno mâl di te

Nessun commento: