I miei Video clips furlans

Loading...

14 mag 2010

SUNS, ARLEF, ONDE FURLANE

O ai a pene ricevût il comunicât pe stampe pal festival SUNS di cjançons in lenghe minoritarie. Prime di zontâlu o soi lât a viodi ancje il bant dal concors e, sacrabolt, no ao cjatât un erôr di stampe tal bant dal concors? Il bant, se al é a pene jessût, prime di dut, a nol é masse adore parcé che le date par mandâ une cjançon a sarès il prin di Lui. Daspó, come se nol fos avonde tart, al é scrit che par partecipâ al bisugne mandâ le iscrizion prime dal prin di Lui 2009 ! Ur ai scrit un mail subite. Sperin che chei gnôgnos a ledin a cambiâ le date.
Al somee propite fat a pueste par fâ capî ai furlans che nol covente partecipâ che al é masse tart e che il vincidôr al é bielzà sielzût:-)
Te version inglêse e taliane invezit al é ben scrit 2010.
Alore us met achi sot il comunicât:


SUNS, Festival e concors de cjançon in lenghis minoritariis
Daspò dal bant di concors dal 2010 si torne a vierzi uficialmentri Suns, manifestazion volude de ARLeF e ancje une jenfri lis iniziativis di respîr internazionâl plui ambiziosis che la nestre regjon e vedi ospitât tai ultins agns.

Fuarce di chest event e je la costelazion verzelade des piçulis, grandis lenghis feveladis in Europe. No son dome lis lenghis nazionâls e plui pandudis e, in gjenerâl, ricognossudis ma dutis lis lenghis che, tant che il furlan, che a rapresentin cun braure il cûr e la anime di tantis culturis minoritariis pardabon interessantis.

Ancje se il status di chestis lenghis al è ricognossût in maniere diferente (se no a voltis adiriture ostacolât palesementri) dai lôr stâts centrâi, la vitalitât des espressions artistichis di chescj popui e je dal sigûr un denominatôr comun tant che mieç di libertât par pandi la libertât di afermazion de lôr unicitât culturâl. 
Cualchi esempli interessant di chest patrimoni inestimabil al è za stât presentât te edizion di Suns dal an passât, che tal Setembar dal 2009, daspò di vê selezionât 20 grups di 7 minorancis linguistichis diviersis, al à ospitât vot grups e artiscj di lenghe sarde, catalane, rom, retoromance, ladine, arbereshe e, nancje a dîlu, furlane.

Suns nol è dut câs un event isolât. La kermesse musicâl nostrane e je di fat la “semifinâl” che e fâs jentrâ tal Liet International, la plui impuartante e preseade iniziative europeane di musiche in lenghe minoritarie. Daspò jessi stât ospitât in Frisie e Laponie, il Liet al rivarà finalmentri a Udin vie pal 2011.

Cundut che i obietîfs principâi di chestis manifestazions a son la condivision e il scambi jenfri culturis, no si à di dismenteâ il lôr caratar competitîf.

Ancje chest an jenfri i grups che a inviaran lis lôr cjançons, daûr dal bant che si cjate sul sît www.sunscontest.com, a vignaran selezionâts i 8 finaliscj che si esibiran intun conciert dal vîf in Place S. Jacum a Udin ai 28 di Avost che al ven. Dome 2 di chescj, selezionâts di une jurie internazionâl, a podaran lâ te finâl dal Liet che si davuelzarà a Lorient in Bretagne te prossime sierade. 
La musiche furlane e pues svantâ un curriculum di bon rispiet par chel che al inten lis edizions passadis: tal 2009 il “contestoriis di Sudri”, Lino Straulino, daspò di vê sbaraiât la concorince tal cors di Suns, al è rivât tierç te finâl dal Liet a Leuwardeen in Frisie (Paîs Bas); stes risultât ancje pai rappers cjargnei Carnicats, rivâts ancje lôr tal tierç puest te edizion dal 2008 e no àn fat brute figure nancje i Prorastar, i Arbe Garbe e i Kosovni Odpadki… simpri fra i miôr tes edizions dai agns passâts de competizion europeane.  
Al è di sperâ che ancje chest an un rapresentant de nestre lenghe al rivi a vuadagnâ une des primis posizions dal Liet; al sarès di sigûr un bon auguri pal 2011, cuant che Udin al sarà la sede di chest impuartant event.


Daspò dal bant di concors dal 2010 si torne a vierzi uficialmentri Suns, manifestazion volude de ARLeF e ancje une jenfri lis iniziativis di respîr internazionâl plui ambiziosis che la nestre regjon e vedi ospitât tai ultins agns.

Fuarce di chest event e je la costelazion verzelade des piçulis, grandis lenghis feveladis in Europe. No son dome lis lenghis nazionâls e plui pandudis e, in gjenerâl, ricognossudis ma dutis lis lenghis che, tant che il furlan, che a rapresentin cun braure il cûr e la anime di tantis culturis minoritariis pardabon interessantis.

Ancje se il status di chestis lenghis al è ricognossût in maniere diferente (se no a voltis adiriture ostacolât palesementri) dai lôr stâts centrâi, la vitalitât des espressions artistichis di chescj popui e je dal sigûr un denominatôr comun tant che mieç di libertât par pandi la libertât di afermazion de lôr unicitât culturâl. 
Cualchi esempli interessant di chest patrimoni inestimabil al è za stât presentât te edizion di Suns dal an passât, che tal Setembar dal 2009, daspò di vê selezionât 20 grups di 7 minorancis linguistichis diviersis, al à ospitât vot grups e artiscj di lenghe sarde, catalane, rom, retoromance, ladine, arbereshe e, nancje a dîlu, furlane.

Suns nol è dut câs un event isolât. La kermesse musicâl nostrane e je di fat la “semifinâl” che e fâs jentrâ tal Liet International, la plui impuartante e preseade iniziative europeane di musiche in lenghe minoritarie. Daspò jessi stât ospitât in Frisie e Laponie, il Liet al rivarà finalmentri a Udin vie pal 2011.

Cundut che i obietîfs principâi di chestis manifestazions a son la condivision e il scambi jenfri culturis, no si à di dismenteâ il lôr caratar competitîf.

Ancje chest an jenfri i grups che a inviaran lis lôr cjançons, daûr dal bant che si cjate sul sît www.sunscontest.com, a vignaran selezionâts i 8 finaliscj che si esibiran intun conciert dal vîf in Place S. Jacum a Udin ai 28 di Avost che al ven. Dome 2 di chescj, selezionâts di une jurie internazionâl, a podaran lâ te finâl dal Liet che si davuelzarà a Lorient in Bretagne te prossime sierade. 
La musiche furlane e pues svantâ un curriculum di bon rispiet par chel che al inten lis edizions passadis: tal 2009 il “contestoriis di Sudri”, Lino Straulino, daspò di vê sbaraiât la concorince tal cors di Suns, al è rivât tierç te finâl dal Liet a Leuwardeen in Frisie (Paîs Bas); stes risultât ancje pai rappers cjargnei Carnicats, rivâts ancje lôr tal tierç puest te edizion dal 2008 e no àn fat brute figure nancje i Prorastar, i Arbe Garbe e i Kosovni Odpadki… simpri fra i miôr tes edizions dai agns passâts de competizion europeane.  
Al è di sperâ che ancje chest an un rapresentant de nestre lenghe al rivi a vuadagnâ une des primis posizions dal Liet; al sarès di sigûr un bon auguri pal 2011, cuant che Udin al sarà la sede di chest impuartant event.

Nessun commento: