I miei Video clips furlans

Loading...

12 giu 2010

Emigrazion, talianizazion, pirulisazion, anglicisazion


Se si lei le storie, i barbars e i turcs a rivavin simpri des bandis plui facilis e le basse e à subît dutis lis invasions prime che le vuere dal 15 a rivi ancje in Cjargne. Cu lis invasions e lis rapinis, cuissà trops di nô, a son dissendents dai ongjars o dai turcs e ostrogots e ostrighete  cuissà trops vôis celestins, neris o verdulins a nus vegnin da un paîs che a nol é il nestri.
In Cjargne invezit, par vie dai monts, a son restâts plui isolâts. Ma no lu sono ancjemó ?
E par chest vie, no sono lôr i furlans plui zenuins ?
Cuant che le demografie a dipendeve de gjeografie se a ‘nd ere un flum o une mont che al impedive il passaç il cjargnel a nol lave plui in là e al si sposave cu le vicine o al massim une ch’a stave a dôs oris di strade a pît.. Cussiché, cualchivôlte a finivin par maridâsi jenfri cusins e al é cussí che cierts cognons tipichementri cjargnei a son restâts par un grum di timp, isolâts in te stesse valade e in tal stes paîs prime di lâ a sparniçâsi dapardut.
Daspó, cul progrès, lis dôs oris a pît a son deventadis dôs oris in bici, dôs oris in moto, e cumó, dopo dôs oris in internet e dôs oris di avion a tu sês di chê altre bande dal mont.
Ah si ? Ma si a Rigulât a si cjacaro simpri cu la O e a Davâr a si fevela cu la A , la âgo o la âga, a é simpri chê e forsit a si si maride simpri jenfri cjargnei.
Chiste endogamie ise une buine o une brute robe ? Se nissun a nol fâs plui fruts, a nol impuarte plui. Il pape al dîs che un cristian a nol à da doprâ le pirule ma tant che a si va a messe il plevan al é obleât di sierâ un vôli. Cussí, pôc a pôc, cu le talianizazion e l’emigrazion, ancje le « pirulizazion » e l’anglicizazion le lenghe mâri a restarà cence feminis e cence fruts.
Te imagjine: Dimostrazion de difusion dal cognon Furlan. A 'nd é plui di fûr che drenti dal Friûl.

Nessun commento: