I miei Video clips furlans

Loading...

02 lug 2010

Le blave di Mortean OGM ?

Le nestre blave di Mortean e ancje chê âltre a riscje di deventâ merecane e si riscje di pierdile definitivamentri come che si à bielzà pierdût il tocai cu le Ungjarie e il frico cu le Holande.
Di fat, tal pâis di Fane, chel dal nestri Vittorio Cadel nazionâl che nus à tant ben cjantât, e an cjatât blave OGM che se dut al và come che i merecans de Monsanto e sperin, e varès di contaminâ dute le blave dal Friûl e cussí a si scuignarà fâ le polente merecane.
Le blave OGM a é stade plantade de asociazion "dite" dai « agricoltôrs » Futuragra, che tal so sito, tal non de democrazie e dai consumadôrs (Di sigûr?)  a pretindin di vê il dirit di sielzi, venastâ di imponi semencis brevetadis cul marcjo merecan de Monsanto. Ma le âghe e lis semencis a fasin part dal patrimoni de umanitât e no dal patrimoni de Monsanto. Daspó ducj e san bielzà che cui OGM, lis âvs e son daûr a sparî par cé che fintramai i flôrs a deventint tossics par vie che par tirâ sù i OGM a si scuen doprâ il glifosato, un erbicît che al cope dut e, in grande cuantitât, ancje lis bestiis e i umans. La Monsanto al consee di passâ lis semencis tal so Roundup (Il so glifosât) prime di semenâ.
Cussí a si scomence a capî il parcé che lis âvs a sparissin: Parce che fintramai i flôrs a son tossics!
Ma le Monsanto a continue di pretindi che no je vere e a fâs procès e a minace ducj chei che a pretindin il contrari.
In Argjentine, indulà che un grum di maladiis gnovis a son nassudis da cuant che la Monsanto e a introdot le culture transgjeniche 13 agns indaûr, i miedis che a lu denuncin a son minaçâts di muart!
Chi da nô invezit, nissun al si mûf o scuâsit.I furlans a son simpri stâts lis piôris plui piôris des piôris e dopo cualchi bee a continuaran a passisi trancuils de lôr jerbute bagnade dal sanc dai lôs vons.
In otûbar a dîs la Monsanto, venastâ Duilio Campagnolo, o varin di fâ i conts cu la piralide. Che chiste piralide nus vedi mai impedît di mangjâ polente, no lu ai mai sintût ma seont lui, responsabil dal sito, se no si decît subite di meti i soi OGM, le culture de blave tradizionâl nus mene ae catastrofe.Al us invide duncje a scrivi une letare al ministeri e po mandâi une copie a lui.
E o speri ben che o lu fasarês zontant ancje il vuestri pinsîr.

Tes fotos o podês viodi cemût che lis plantis in te me strade a reagjissin cui cuarps forescj. A ju gletin! Cinc agns dopo chest marcagjo metalic fat dal comun, lis medais cui numars a son daûr a sparî drenti dal arbul. Figurinsi alore i prodots chimics!

1 commento:

DoneBete ha detto...

Mandi Jaio,
ancjemò no vevi let il to post, mentri co vevi scrit le me storie di âfs di vuei.
Achì o zonti che lis fantatis ta pizerie dongje a jerin isterichis par vie da lis âfs ca vevin jemplât il curtîl. E an clamat vigji comunai, vigji dal fôc, carbinêrs ... cussì, a une ca veve pôre di jessi becade - cuissà sa si crôt une orchidee - jai dit ca nol ocôr tabajà par ignorance - oltre dut al jere alì il sior ca lis puartarà tal so alevamênt.