I miei Video clips furlans

Loading...

03 dic 2010

Cui che le fâs... / Chi la fa...

Pierdût il lavôr e piedude le sperance di cjatânt un'altri te lôr piçule vile, une copie a veve decidût di vendi sù dut e di lâ a stâ te plui grande vile che a cognossevin:Le capitâl.
Alà, nol jere stât facil di cjatâ une stanzie indulà stâ ma a le vevin cjatade. Peró tes capitâls a cji vûl un capitâl dome pal fit e si jerin rindûts cont che i pôs bêçs che a vevin a saressin  bastâts al massim par dôs setemanis. A scuignivin cjatâ un lavôr il plui prest pussibil. Nol impuarte ce lavôr, lôr a jerin pronts a dai sot. Zovins e plens di entusiasm a si jerin metûts a cirî ognun de lôr bande ma dopo di une setemane a vevin cjatât dome une pussibilitât: Comprâ pès secjât e cirî di vendilu. Vendilu indulà? A si jerin informât e a jerin finîts tar un marcjât e ancje se ogni dí a scuignivin paiâ une tasse pal puèst che a ocupavin, a rivavin distès a vendi avonde par no murî di fan. Dome che a si jerin indacuarzûts che da lôr, ogni dí al costave simpri plui cjâr e invezit pai lôrs vicins al restave simpri compagn. Parcé cussí? A vevin domandât a chel de polizie. Chel de polizie a i veve dite che se no ur plaseve, a podevin stâ cence vignî, ma che se al ves vût alc par compensâ al varès podût  sbassâ il prêsit.Di ce alc si tratavial? A vevin domandât pronts a fâ cualchi sacrifici.Ma il sacrifici al jere masse grant. Le femine, zovine e biele,a varès vût di lassâsi fâ e il so om, di no disi nuie. Robis di un'altri mont.
Cemût podevial crodi che lôr a varessin acetât?
Il di dopo, convints che a scuignivin paiâ il dopli, chel om al jere lât a cirî un'altri marcjât tant che le so femine a jere lade  tal puest di ogni dí.  Il poliziot viodint che jere di bessole a le veve tirade drenti le tende e dopo vê sierât, a le veve violade. Seben che a clamave jutori, ducj i vicins a vevin masse pôre di intervegni e il so om cuant che lu à savût, al é lât de polizie a denunziâlu. Ma de polizie a i vevin domandât se al veve cualchi testemoni e come che nissun al voleve vê problems, nissun al si jere fat indenant.
Il dí dopo, le femine a jentrave tal ufizi de polizie de vile indulà che a viveve prime e a domandave di podê vê une patent pal so om disint che dute le famee a voleve regalâ une machine di ocasion al so om e che al sarès stât ben se al vès podût ricevi  le machine e ancje la patent.
Come che a si dubitave, chel de polizie al finzeve di sei incorutibil e a i veve dite che al jere necessari che il so om al passi par fâ l'esam e che a i varès costât un tant.Ma jê a i veve dite che al si tratave di une sorprêse e che se a domandave al so om di passâ, no podevin plui fâi le sorprêse. Alore,  paiant cualchi becin in plui, a veve otignude le patent e a jere tornade dal so om. Ma ce erial sucedût tant che a jere vie al so om?
Chel dal dazi al jere vignût par scuedilu ma l'om a lu spietave e a pene rivât, a lu veve tirât drenti in te tende, al veve sierât e tacât a pestâlu come un bacalà cul pès secjât. Seben che a clamave jutori, ducj i vicins a vevin masse pôre di intervegni e al jere jessût cun tun braç, dôs cuestis rots e le mûse plene di sanc. A pene  che al veve podût, al  lu veve denunziât. Ma de polizie a i vevin domandât che se al ves vût cualchi testemoni... e come che nissun al voleve vê problems, nissun al si jere fat indenant..
Cuant che chel om al fuè clamât de polizie par spiegâsi, al disé che nol jere vêr, parcé che lui in chel dí al jere a 500km di distance daûr a passâ  l'esam pe patent. E al mostrà le patent cu le date.

4 commenti:

DoneBete ha detto...

Mandi Jaio,
Biele la storie, patente sì, ma no di fesso, par fortune!

Ti scrîf un off-topic. Îr o ai sentût contà da Roberto Gervaso che la tiarze femine di Simenon a jere di origjinis furlanis, Teresa Sburelin. Lui a lu veve intervistât. O ai cjatât che a jere une infermiere e a veve 23 agns mancul di lui. Son restâts insime 25 agns. Cuissà se sarà ancjemò vive? Insieme a vevin vivût a Losanna. Achì a je ancje une foto di cuant ca lavin a dà da mangja ai cigns. Al je scrit che Teresa a jere venete ma Gervaso al à dit furlane.

http://www.forumtime.it/Forum/index.php?showtopic=6660

Jaio Furlanâr ha detto...

Si, o vevi sintût che Simenon a le veve fisse cu le so sierve e che pôc a pôc a jere deventade le sô amant. Tal ûltin libri, seont i critics, al fevele plui di jê che di alcaltri. Amancul al à vût une vecjaie trancuile. Tu cjatis alc sul cuartîr indulà che al stave da frut tal gno post su Liegi.Mandi

DoneBete ha detto...

o vevi cirût Simenon cun "Cîr tal blog" ma cence risultât, invezi o ai cjatât cu la ricercje di Blogspot.
Mandi

Jaio Furlanâr ha detto...

O ai cjatât Teresa Sburelin sù wikipedia e le so foto cun Simenon.A je veve mandade il so editôr talian (Mondadori)come femme de chambre, ven a stâi sierve. Ma bielzà un an dopo, cuant che le so femine a je entrade tal ospedâl, a nol considerve bielzà plui Teresa tal stès mût e in tes memoriis al veve lassât scrit che se a nol vès podût finî il libri, dome Teresa Sburlin a jere autorizade a finîlu.
Insomis, une vere egjerie dal stès tipo che lis egjeriis russis pai pitôrs :-)