I miei Video clips furlans

Loading...

21 giu 2012

Da ridî par no ridi

Par un ch'a le à simpri cui plevans o scuegnivi ancje vêle cui miedis.
Che sedi par vie che a son ducj da meti cui sorestants? Tar chest câs o varès di sei socialist ma no lu soi. Anzit, no mi mancjie mai li smicje par traur une pidade cuant che mi cjape.
Ma ce ao da disi cuintri i miedis? Nuie da dî, dome da ridî.
Viodêt vualtris se ridi cul ridî us conven.
Seont cuatri statistichis cjatadis sul sito dal Health Science institute, al si é savût che cuant che i miedis a son in siopero
le mortalitât a cale dal 18 al 50 par cent. Chest al volarès dî che mancul a si và dal miedi e mancul a si riscje di morî. Se po a si sà che in Americhe a 'nd è cuarante mil omicidis par an e che a si riscje 3 voltis di plui di sei copât par un miedi che par
un colp di sclope, a si pues scomençâ a cjalâ il nestri miedi cun sospiet bielzà in te scune. 
Parcé saressial miôr che un merecan?
Ce disi dai miedis inglês se seont lis statistichis e causin cui lôrs erôrs plui di 40.000
muarts par an e che chest al ûl dî che a a son le tierce cause plui impuartant dopo chei dai cancros e dai atacs di cûr.
Robis da mats che forsit in Italie, paîs cognossût pal so sisteme miôr che tar chei altris paîs,
al puedarès sei inmô miôr...Ven a stâi piês. Viodêt vualtris.
Statistichis
Tal 2000 i miedis israelians a son lâts in siopero 4 setemanis. Risultât? 40% di 
muarts di mancul.
Tal 1976 a los Angeles i miedis e an fat siopero. Risultât tar chest periodo: 
18% di muarts di mancul.
Tal 1973 inmò in Israêl un siopero di 4 setemanis al à fat sbassà le mortalitât dal 50%!
Tal 1972 a Bogota i miedis a vevin decidût di no cjapâ plui nissun tes urgjencis.
E i muarts a son diminuîts dal 35%.
A chest pont, si varès di scomençâ a domandâsi il parcé che cuant ae Rai e fasin siopero
i programs a son miôr di cuant che no lu fan.  Daspò, si varès di viodi cemût fà par eliminâ ducj i  politics da cuant chi vin viodût che un paîs al puès lâ indenant benon cence guviern come ch'al é sucedût in Belgjiche par plui di un an. Dome une robe, no ai cjatât inmó il mût di rivâ prime cuant che i ferovîrs a no lavorin, ma sicome chi rivi in ritart ancje cuant che a  lavorin, dulà ise le difarence?

Nessun commento: